كزبرة عن فيلم الحريفة: حققت حلمي.. وطارق الجنايني أخويا الكبير
أعرب مؤدي المهرجانات كزبرة عن سعادته بمشاركته في فيلم الحريفة بطولة الفنان نور النبوي، مشيرًا إلى أنه حقق حلمه بالمشاركة في الفيلم، موجهًا رسائل شكر للصناع.
وكتب كزبرة عبر صفحته الرسمية على فيس بوك: أحمد حمدي حتة بيمسي على أخواته الحريفة، كنت عايز أقولكم إني بجد كسبت أخوات بجد وربنا يخليكوا ليا، ومبسوط أوي إني كنت جزء من العمل معاكم واتعلمت منكوا حاجات كتير، وعمري بجد ما هنساكم عشان إنتوا أحلى حاجة حصلتلي في حياتي وبشكر ربنا على إن خطوة نجاحي وتحقيق حلمي كانت معاكم يا أشطر رجالة في الدنيا وشكرًا لأستاذ طارق الجنايني على وقفتك جنبي بجد أنت أخويا الكبير وأستاذي وأبويا.
وأضاف كزبرة: وبشكر أستاذ رؤوف السيد سفاح المخرجين على كل اللي عملته معايا على الشخصية والمساحة اللي كنت سيبهالي عشان اطلع اللي عندي وشكرًا لأستاذ إياد صالح على السيناريو الجامد وعلى دور حتة يا أحلي قلم حامي وشكرًا لفريدة فؤاد أجمد ستايلست في مصر بجد على اللبس الفاجر وبشكر أحلى بندق أخويا الكبير على نصايحك وشكرًا لأحلى مدير تصوير ميخا العالمي وشكرًا لأحلى يارا العشري ملكة الماركتنج وشكرا لكل الناس أنا مش عايز أنسي حد بس والله ربنا يخليكوا ليا، وشكرًا لأخويا وحبيبي نجم الشباك الأول نور النبوي.
أبطال فيلم الحريفة
يشارك في فيلم الحريفة العديد من الفنانين، منهم: نور النبوي، كزبرة، أحمد غزي، خالد الذهبي، بيومي فؤاد، سليم هاني، ريما مصطفى، نور إيهاب، والفيلم من تأليف إياد صالح، وإخراج رؤوف السيد.
