كنا رايحين نزور ريهام.. ماذا قالت أرملة الفنان أشرف عبد الغفور في التحقيقات؟| خاص
يواصل القاهرة 24 نشر التحقيقات في واقعة حادث وفاة الفنان أشرف عبدالغفور وإصابة زوجته، إثر حادث سير بمنطقة أكتوبر، حيث حددت محكمة جنح أكتوبر جلسة يوم 29 يناير 2024 لنظر ثاني جلسات محاكمة الفنان التشكيلي المتسبب في الحادث للإعلان بالدعوى المدنية.
ماذا قالت زوجة الفنان الراحل أشرف عبد الغفور في التحقيقات؟
وقالت زوجة الفنان أشرف عبد الغفور في التحقيقات: أنا كنت رايحة أنا وجوزى أشرف عبد الغفور - "الله يرحمه" كنا رايحين نزور بنتي ريهام، وكنا ماشين على طريق الدائري- عند كومبوند مونت فيو ومرة واحدة واحنا ماشين لقينا عربية خبطت في العربية بتاعتنا من وره.
وأضاف زوجة الفنان أشرف عبد الغفور في التحقيقات : بعد كدة مرة واحدة اختل توازن العربية عشان اللى خبطنا كان جاي بسرعة جنونية وخبط فينا من وره وساعتها مش فاكره أى حاجة تانى لأنى محستش بنفسي غير وأنا في المستشفى.
وأضافت زوجة الفنان أشرف عبد الغفور في التحقيقات: أنا كنت راكبة العربية مع جوزي أشرف ورايحين نزور بنتى ريهام وعملنا الحادثة واحنا في الطريق رايحين، والعربية بتاعتنا فضلت تلف حوالين نفسها، بعد ما العربية خبطت فينا من ورا وكانت تسير بسرعة جنونية.
وأكلملت زوجة الفنان أشرف عبد الغفور في التحقيقات: جوزى "الله يرحمه" كان ماشي على سرعة 80 تقريبًا، والاضاءة كانت كويسة لأن احنا كنا قبل المغرب، والحادث سببلي كسر في ضلوع القفص الصدري وكدمة شديدة في الرئة، وأنا بتهم اللي اتسبب فى الحادثة اللى خبط فينا من ورا، بإصابتي ووفاة جوزى.
