باسم يوسف عن مساعدته عماد أديب: عملت اللي بيعمله أي واحد في أولى طب
علق الإعلامي باسم يوسف على إشادة الإعلامي عمرو أديب بأدائه ومساعدته لشقيقه الإعلامي عماد أديب، مشيرًا إلى أنه لم يقم بإسعافات أولية كما ذكر عمرو أديب.
باسم يوسف يعلق على مساعدته عماد أديب
وقال باسم يوسف خلال لقائه مع برنامج et بالعربي: أنا مأنقذتش حياة حد، وسبب إن أستاذ عماد أديب في صحة كويسة إن رد فعل السلطات الطبية في دبي كانت سريعة، أنا معملتش أي حاجة، وأنا عملت اللي بيعمله أي واحد في أولى طب وكنت جنبه بقيسله النبض وطلبت من الناس نجيبله دكتور.
وأضاف باسم يوسف: معملتش أي حاجة خالص ولا أسعفته ولا عملت أي إسعافات، أنا كنت موجود وأي واحد تاني كان هيعمل كده وحمد لله على سلامته، بس أنا يعني معملتش كل الحاجات ديه.
عمرو أديب يسرد تفاصيل مساعدة باسم يوسف لشقيقه عماد الدين أديب
وسبق وقال عمرو أديب خلال برنامجه الحكاية المذاع على شاشة قناة mbc مصر: عايز أشكر ناس مهمة في الحقيقة لسبب شخصي، من يومين تلاتة أخي الأستاذ الكبير عماد الدين أديب كان في المؤتمر الاستراتيجي في دبي، وكان بيدير جلسة وكان بيسأل إنه ممكن تجيله أزمة قلبية لو معرفش الإجابة، وكان فيه مسئولين سعوديين وإماراتيين وجاوبوا على السؤال وبعد 4 دقائق من الجملة ديه جاتله شبه أزمة قلبية.
وأردف عمرو أديب: عايز أقول إن أولًا أشيد بهذه الدولة المحترمة اللي كان فيها عربية إسعاف مجهزة للحالات الطارئة وتم نقله للمستشفى في ظرف 7 دقائق ولولا جاهزية الإسعاف ما كان موجود، ومدير المستشفى بنفسه قام بعمل إنعاش لقلب عماد اللي توقف لمدة دقيقة كاملة وطبعًا كان فيه شريان اتقفل بنسبة 100%.
واستكمل عمرو أديب حديثه: وعايز أشكر الدكتور باسم يوسف اللي هو باسم يوسف اللي نعرفه، لأنه قام على الفور بقياس النبض والتدليك وقال إنه على طول لازم يتنقل، وجدعنة المصريين، وعلاقتي بباسم يوسف مش تمام، ولكن أكن لباسم يوسف كل الاحترام على اللي عمله، وهشيل ده، وهو ليه دين في رقبتي.. والجدعنة والشهامة لا تقدر بثمن.
