ريم البارودي: رفضت مسلسل مع فنانة كبيرة عشان مش فاهمة القصة.. وبيفرق معايا اسمي على التتر |فيديو
تحدثت الفنانة ريم البارودي، عن الأعمال التي عرضت عليها خلال فترة غيابها عن الساحة الفنية بعد وفاة والدها، وعن أهمية مكان وضع اسمها على تترات الأعمال.
وقالت ريم البارودي خلال ندوتها لـ القاهرة 24: جالي عمل مع نجمة كبيرة كان نفسي اشتغل معاها جدا واتكلمت معاها عن طريق ناس وقولتلها مبسوطة أني معاكي، ولكن مفهمتش القصة وأنا بقرأ الورق.. وطلبت أكلم المؤلف وهي كانت ورشة كتابة وملقتش إجابة إن ليه أخت تخون أختها وهو مفيش مبرر لـ ده، وهما اللي مشوني من العمل.
وعن أهمية اسمها على التتر، أضافت ريم: بيفرق معايا اسمي على التتر ده تعبي وشقايا، ومن بعد مسلسل الرحايا والباطنية اهتميت بـ اسمي ولازم طبعا يفرق معايا.
وتطرقت ريم البارودي للحديث عن مشاهدها الفنية المتداولة على منصات التواصل الاجتماعي بعد مرور سنوات على عرضها، قائلة: استايل شعري في مسلسل دلع بنات كان تريند وموضة وقتها، وفيه ناس بتقولي لحد دلوقي أنتي تريند من غير مجهود على التيك توك.
آخر أعمال ريم البارودي
وتعد آخر أعمال ريم البارودي مسلسل حد فاصل حكاية بنات السباعي، بطولة: ريم البارودي، أحمد جمال سعيد، محمد التاجي، محمود حجازي، هناء الشوربجي، وعدد آخر من الفنانين، والعمل من تأليف محمد إبراهيم وإخراج تامر حمزة، وتدور أحداث الحكاية في إطار اجتماعي.
