أمين الفتوى لمتصلة تدعي على أولادها: ممكن ربنا يستجيب منك
أجاب الدكتور عمرو الورداني، أمين الفتوى ومدير مركز الإرشاد الزوجي بدار الإفتاء المصرية، على سؤال متصلة مفاده إنها تدعو على أولادها خلال تربيتها؟.
وقال أمين الفتوى ومدير مركز الإرشاد الزوجي بدار الإفتاء المصرية، خلال تصريحات تلفزيونية: اللي بتعمليه ده خطر، وممكن ربنا يستجيب لدعوة منك، هتعملي ايه بقى ساعتها.
وأضاف قائلًا: كمان ممكن تكوني إنتي مش متمكنة من التربية، وممكن ولادك يبقوا صح وإنتي غلط، واختلفتوا في وجهات النظر، بكده انتى ظلمتيهم ودعيتي عليهم.
فتاوي من مركز الإرشاد الزوجي بدار الإفتاء
في سياق متصل، أجاب الدكتور عمرو الورداني، أمين الفتوى، ومدير مركز الإرشاد الزوجي بدار الإفتاء المصرية، على سؤال متصلة حول إنها اكتشفت ان زوجها يتحدث مه سيدات غيرها، عبر الموبايل، وإنها تأكدت من ذلك بعينها، وتريد أن تعرف ماذا تفعل؟.
وقال امين الفتوى ومدير مركز الإرشاد الزوجي بدار الإفتاء المصرية، خلال تصريحات تلفزيونية: زوجها عليه جرم لأنه كسر خاطرها، لأنها المفروض واخدة شخص بتاع ربنا، وعليه انه يتوب ويجبر خاطرها.
وأضاف: واضح إن زوجك يسعى للمثالية، وبالتالي انتي في عندك مشكلة، ولازم تظبطي مهاراتك اللى هو بيهتم بها، والطرفين عندهم مشكلة ولازم الاتنين يروحوا مركز الإرشاد الزوجي.
