سو في الكبير تكشف صدفة دخولها التمثيل: بستغرب لما بيتفاجئوا إني كبرت لأن دوري كان من 11 سنة
تحدثت الفنانة ليلة عدنان الشهيرة بالطفلة سو في مسلسل الكبير أوي بطولة أحمد مكي، عن دخولها عالم التمثيل، مشيرة إلى أنها دخلت الفن بالصدفة ولم تكن تحلم أن تكون ممثلة في طفولتها.
وقالت ليلة عدنان خلال لقائها مع زوجها عمرو أسامة في القاهرة 24: الناس لما بتشوفني في الشارع بيستغربوا أني كبرت وطبيعي أكبر لأن دوري في المسلسل مر عليه11 سنة لازم أكبر فيهم.
وأضافت ليلة عدنان: كان سني صغير في مسلسل الكبير، والدور كان حلو وربنا وفقني وعملته حلو، واتشهرت بيه أوي وعلم مع الناس، ولكني شاركت في أعمال تانية كتير والناس عارفاها ولكن هو أكترهم شهرة.
وعن صدفة دخولها التمثيل قالت: كنت تسع سنين تقريبًا وكنت مع أخويا في النادي بيلعب ملاكمة، وفي الوقت ده كانوا بيصوروا فيلم الزمهلوية، وأستاذ علي إدريس شافني، كان المساعدين بيهزروا معايا وأنا ولا ليا علاقة بالتمثيل، قالوا لي فين ماما، وديتهم لماما وبعدها عملت كاستينج لفيلم الدادة دودي لكنهم كانوا بيصورا فيه وظهرت في آخر جزء في الأغنية، وعلي إدريس قال لي الفيلم الجاي هتكوني معايا فيه.
وتابعت: كنت بلعب فولي في النادي الأهلي ومش دماغي التمثيل ولا ليا علاقة به ولا عندنا حد في العيلة بيمثل، وبعدها درست في كلية آداب قسم دراما ونقد مسرحي.
من ناحيته، قال زوجها عمرو أسامة: كانت معايا في المدرسة، لكن عمري ما فكرت أنها ممكن تكون زوجتي، وكانت لذيذة وكنت بحب اهزر معاها، خاصة أن دورها في الكبير كانت بترخم على الناس فأنا وكل زملائي كنا بنحب نرخم عليها، وهي كانت لمضة.
