المجني عليها في جريمة هتك العرض بعابدين: كنت بشتري شيشة لقيت العامل مسكني من ضهري | خاص
حصل القاهرة 24 على نص التحقيقات في قضية هتك عرض أجنبية بمنطقة عابدين، في القضية رقم 7454 لسنة 2023 جنايات عابدين والمقيدة برقم 734 لسنة 2023 كلي وسط القاهرة.
هتك عرض أجنبية
وقالت المجني عليها في التحقيقات: أنا تعرضت لهتك العرض يوم 2023 - 13 حوالي الساعة 10مساء، محل في وسط البلد بشارع رشدي القاهرة، وأنا كنت في وسط البلد في محل لبيع الشيشة، وكنت أول مرة أروح المحل ده عشان أشتري حاجات وكنت لوحدي.
وأضاف المجني عليها في التحقيقات: وبعدين لقيت العامل اللي بيبيع في المحل ده مسكني من الخلف وأنا ماشية واستغل إني مش شايفاه ومدياه ضهري وتخضيت وحاولت أخرج من المحل وراح مسكني من الخلف تاني وكنت أنا وهو لوحدنا في المحل فصوت وصاحب المحل والناس تلمت وطلعنا على قسم عابدين عملت فيه بلاغ.
قضت محكمة جنايات عابدين، بالسجن المشدد 5 سنوات لعامل، بتهمة هتك عرض أجنبية بالقوة، بأن أمسك بها ولامس مواطن عفتها وأجزاء بجسدها، وعندما حاولت الهروب أمسك بها ومنعها من ذلك حتى فرت هاربة من بين يديه.
وكشف أمر إحالة المتهم بهتك عرض أجنبية، أنه في يوم 13 أكتوبر 2023 الساعة 10 مساء، بدائرة قسم شرطة عابدين بمحافظة القاهرة، هتك المتهم أحمد. م، عرض المجنى عليها بالقوة، في أحد المحلات.
