رضا إدريس: معدتش سن الـ50.. وبنقدم للجمهور شغل ومش بناخد حقنا
كشف الفنان رضا إدريس سبب قلة مشاركته في أعمال فنية، خلال الفترة الأخيرة، مشيرًا إلى أن الأجيال الجديدة سيطرت على الساحة الفنية، وأدى ظهورهم إلى تقاعد العديد من فناني الزمن الجميل، على الرغم من عدم تجاوز أعمارهم الـ 50 عامًا.
رضا إدريس: مهم إنك تكون دايمًا مبتسمًا حتى في عز المشاكل
قال رضا إدريس خلال لقائه مع القاهرة 24: الحمد الله حب الناس فضل من ربنا، وربنا بيرزقني إني أقدر أدخل البسمة على أي إنسان سواء في الشغل أوبرا الشغل، لأن مهم جدًا إنك تكون دايمًا مبتسمًا حتى في عز المشاكل.
تابع رضا إدريس: إحنا شعب دمه خفيف، وسيدنا محمد صل الله عليه وسلم، قال تبسمك في وجه أخيك صدقة، في أنا بعملها من باب الصدقة، صحيح إحنا بنقدم شغل ومش بناخد حقنا في الشغل ده، علشان كده بعمله من باب الصدقة.
استكمل رضا إدريس: الوسط الفني بقى غريب، وبقينا بنفكر في الشباب، وأظن مكنش فيه ضرر إن زمان ولحد وقت قريب لما كان موجود أستاذ عادل إمام، وسعيد صالح ونور الشريف، مكنوش بيمنعوا الشباب إنهم يأخدوا حقهم، لأن مفيش صغير هيبقى كبير من غير سبب لازم يكون في سبب، وأنا لسه معدتش عمر الـ50 سنة.
أعمال رضا إدريس
يذكر أن رضا إدريس شارك في مسلسل بالطو الذي عُرض خلال الفترة الماضية وحقق العمل نجاحًا كبيرًا وقتها، وتناول العمل في إطار كوميدي، هو الدكتور عاطف الذي يُكلف حديث التخرج في وحدة صحية في إحدى القرى، ثم يجد نفسه فجأة أصبح مديرا للوحدة الصحية ومسئولا فيها عن كل شيء.
ضم مسلسل بالطو في بطولته مجموعة من الفنانين منهم: عصام عمر، محمود البزاوي، سلافة غانم، عارفة عبد الرسول، محمد رضوان، محمد محمود، رضا إدريس، والعمل من تأليف أحمد عاطف فياض، وإخراج عمر المهندس.
