شقيقة محمد صلاح تتوقع نتيجة مباراة غانا اليوم: هنكسب 2
تحدثت رباب صلاح شقيقة محمد صلاح نجم ليفربول والمنتخب الوطني، عن توقعاتها لمباراة غانا ومصر قبل ساعات من إقامتها مساء اليوم، متمنية من الله أن يوفق قائد منتخب مصر.
شقيقةمحمد صلاح: إن شاء الله البطولة لمصر
وقالت رباب صلاح، خلال لقائها مع الإعلامية سهير جودة، إن المنتخب المصري سيفوز على منتخب غانا اليوم، بهدفين دون رد، ضمن لقاءات دور المجموعات في بطولة أمم افريقيا 2023، والتي تقام في كوت ديفوار، معلقة: إن شاء الله البطولة لمصر.
وأضافت رباب صلاح: في مكالمة ليا مع محمد قبل كل ماتش هيلعبه، ووالدتي بتدعي له بتقوله ربنا يوفقكم وتكسبوا، وهي طول الوقت بتقعد تدعي لمحمد وبتفضل ماسكة السبحة وقت الماتش.
رباب صلاح: لما محمد وقع على دماغه في مباراة ليفربول كنت قلقانة عليه
وتابعت رباب صلاح: والدتي لما بنكون كلنا معاها في البيت بتحب تتفرج معانا على ما تشات محمد، لكن في أغلب الوقت بتتفرج لوحدها، وبتركز في تفاصيل الماتش وفي الدعاء لمحمد، وده قمة استمتاعها، وهي بعد الماتش بتقوله أنت مثلا النهاردة كنت وحش المفروض كنت تعمل كذا، هي ماما بدأت تحلل.
أضافت رباب صلاح: في أوقات محمد بيكون عنده عدم توفيق، أو تعرض لهزيمة مع فريقة، على طول اليوم ده بيبقى قفل في بيتنا، وأنا دخلت في حالة نفسية وحشة جدًا، ولما محمد وقع على دماغه في مباراة مع ليفربول، وخرج من الماتش، كنت قلقانة عليه.
أوضحت رباب صلاح، أنها تحب جميع أهداف شقيقها محمد مع منتخب مصر، وخاصة الهدف الذي سجله ومنح المنتخب المصري الوصول لكأس العالم.
