حسام داغر في الذكرى الرابعة لوفاة والدته: ربنا يقدرني ونعملك ختمة وتكوني راضية عني
أحيا الفنان حسام داغر، الذكرى الرابعة لوفاة والدته بكلمات مؤثرة، معبرًا عن اشتياقه لذكريات كثيرة جمعتهما سويا.
ونشر حسام داغر، مقطع فيديو يجمعه بوالدته عبر حسابه الشخصي بموقع تبادل الصور والفيديوهات انستجرام، وقال: النهاردة سنويتك الرابعة يا ماما يا حبيبتي وطول عمرك بتحبي الورد وملقتش حاجة ممكن توصلك غير الدعاء والورد اللي بتحبيه.
وتابع حسام داغر: فاكرة الفيديو ده لما أخواتي صورونا وإحنا داخلين من الباب من الحج في 2017، أنتي دلوقتي في الجنة المليانة ورود (إِنَّ الْمُتَّقِينَ فِي جَنَّاتٍ وَنَعِيمٍ)، الآية بتصور النعيم اللي بيوصل ليه المتقون.. وأنتي وردك والفل اللي زرعتيه بيطرح.
وأضاف حسام داغر: كل سنة وناس بتشمه وبقولهم ماما اللي زارعاه وسبحان الله كأن ريحته من الجنة، النهاردة إن شاء الله ربنا يقدرني نعملك ختمة عندي في بيتي مع حبايبك وحبايبي ويارب ثوابها يوصلك.
واختتم داغر: هدية عيد ميلادك يوم 25 يناير وذكّرى وفاتك يوم 18 يناير اللي يحب يشاركنا يبقاله الأجر والثواب.. لو كنتي عايشة وسطينا كان زمانك تميتي 70 سنة النهاردة أكيد مكنتيش هتحبي الرقم ده.. بس كنت هنضحكك شوية ونهزر معاكي لحد ما تنسي يا جميلة وبشوشة وطيبة.. عيد ميلادك في الجنة يا حبييتي مع بابا حبيبك ويا رب تكوني راضية عني.. وحشتيني قوي.
ويعد فيلم الخميس اللي جاي، آخر أعمال حسام داغر، الذي عرضت مؤخرا في دور العرض السينمائي، حيث دارت أحداثه في إطار كوميدي حول فتاة شهيرة على وسائل التواصل الاجتماعي، تتعرض هي ووالدها للعديد من المواقف الطريفة بسبب قصر مهجور به لعنة تصيب كل من بداخله.
