شفت نفسي في بيت وصاحب زوجي بيعمل شاي في المطبخ.. مفسرة أحلام تكشف التفسير
فسرت كريمة سلام، مفسرة الأحلام والباحثة الاجتماعية، حلم إحدى المتابعات والذي جاءت تفاصيله: شفت نفسي في بيت وشايفة صاحب زوجي بيعمل شاي في المطبخ وصاحب زوجي جه عندي وزوجي ورا ظهر صاحبه، واختفى صاحب زوجي وزوجي كان جسمه ضعيف ومش طويل، جاء يطلب مني أعمل له فنجان قهوة وإلا هيرمي عليا يمين الطلاق بس بيتكلم عادي وأنا واقفة وفي نيتي أعمل له عشان أتجنب مشاكله.
أمن وأمان
وقالت مفسرة الأحلام في تفسيرها خلال لقاء تلفزيوني: أنتي في بيت، يعني أمن وأمان، وصاحب زوجك اللي بيعمل شاي، مشكلة على ماديات عاملالك اكتئاب وغيظ خاصة بمصروفك أو شغلك، وصاحب زوجك ده مشكله وانتهت؛ لأنه اختفى، وعن إنك لقيتي زوجك جسمه ضعيف، هو مفيهوش حاجة، وطلب تعملي فنجان قهوة، معناه إنه راجل كويس، ويمين الطلاق، حل للمشكلة، وعن جزء إنه بيتكلم عادي، معناه إن أنتي منشفة دماغك ومش عايزة تعملي حاجة.
تفسير الأحلام
وجاء رد صاحبة الحلم على تفسيره كالتالي: أنا دائما بتخانق مع زوجي على الماديات وأنا عندي مشاكل بسبب مصروفي ومرتبي، لأن أنا في أجازة من شغلي وهو عاوز أنا أحل معاه المشاكل بس أنا مش طيقاه ولا عاوزة أريحه أبدا.
كما فسرت كريمة سلام حلم آخر لمتابعة نصه: حلمت فيه 4 أطفال كانوا واقفين على الحائط وببص عليهم لقيتهم قاعدين كل واحد جوا شاشة تليفزيون وجيت اقرأ آية الكرسي، ومكنتش قادرة أنطق آية الكرسي.
وقالت كريمة سلام، إن تفسير الحلم هو أن الأربعة أطفال يعني 4 مشاكل واقفين على الحيطة من ناحية أحد سند لكي، وفي 4 ستات وكل ست منهم معاها واحد، والتليفزيون واحد بيزعلك ويفرحك، و4 ستات كل واحدة عملالك مشكلة، قرأت ىية الكرسي أمنتي نفسك، ومعنى إنك مكنتيش قادرة تقرأي آية الكرسي يعني لسة مفيش أمان.
