دينا: بخاف من الحسد.. وعندي طقوس معينة عشان أبعد العين عني | صور
أكدت الفنانة دينا أنها تؤمن بالحسد، وتتبع بعض الطقوس الخاصة بها لتجنبه وتفاديه، مشيرة إلى أنها تريد تقديم عشرة أعمال سينمائية.
وقالت دينا خلال المؤتمر الصحفي المقام حاليًا لفيلم عادل مش عادل: أنا بؤمن بالحسد وبخاف وعندي طقوس بعملها عشان محدش يحسدني، وكل البنات بتخاف وهي لابسة كعب إنها تقع من الحسد، ربنا يكفينا شر العين.
وتابعت دينا: حلو إن الواحد يتواجد في السينما، وبدايتي كانت سينما أصلا، ولما السينما هديت دخلت دراما واشتغلت دراما كتير، فلما السينما ابتدت ترجع حسيت إني كممثلة لازم أرجع، ونفسي أشتغل في 10 أفلام وأنافس بيها نفسي.
فيلم عادل مش عادل
من المقرر عرض فيلم عادل مش عادل خلال الفترة المقبلة، وهو من بطولة الفنان أحمد الفيشاوي، وكل من الفنانة شيري عادل، محمود البزاوي، محمد رضوان، محمد أوتاكا، مصطفى أبو سريع، بدرية طلبة، وغيرهم، والعمل من إخراج أحمد يسري.
دينا تعلق على انتقادات صورتها مع أحمد الفيشاوي
وفي سياق آخر، سبق وعلقت دينا على الانتقادات التي تعرضت لها مؤخرًا، بعد نشر صورة لها مع الفنان أحمد الفيشاوي، من كواليس فيلم عادل مش عادل، وهو واضع يده على ركبتها، وقالت خلال لقاء سابق لها مع القاهرة 24: ليه الناس شايفة إن الصورة جريئة، علشان الجيبة القصيرة؟ طب ما أنا بلبس طول عمري قصير مش حاجة غريبة عليا، وصورتنا في فيلم عادل مش عادل مفيهاش حاجة خادشة للحياء، وراضية إنه يحط إيده على رجلي.
