أمين الفتوى: المحتكر ملعون ومطرود من رحمة الله
قال الشيخ أحمد وسام، أمين الفتوى بدار الإفتاء المصرية، إن احتكار السلع يمس كل إنسان سواء مسلم أو غير مسلم، لافتا إلى أن سيدنا النبي صلى الله عليه وسلم، قال فى حديثه الشريف: من دخل في شيء من أسعار المسلمين ليُغْلِيَه عليهم فإن حقًّا على الله تبارك وتعالى أن يقعده بعظم من النار يوم القيامة.
حكم احتكار السلع
وأضاف أمين الفتوى بدار الإفتاء المصرية، خلال تصريحات تلفزيونية: سيدنا النبي محمد صلى الله عليه وسلم، قال المحتكر ملعون يعني مطرود من رحمة الله، والجالب مرزوق، يعني اللي بيسهل على الناس ويبيع بسعر معقول، ربنا يرزقه.
وأضاف أمين الفتوى بدار الإفتاء المصرية: لو عاوز تكون من الفالحين وربنا يرزقك، سهل البيع للناس، عشان ربنا ييسر لك الحال.
وفي سياق متصل، وجه الشيخ رمضان عبد المعز، الداعية الإسلامي رسالة قاسية لمحتكري السلع والأدوية، قائلا: ويل لمن يخبئ السلع وقوت الناس والأدوية عشان يضاعفوا مكاسبهم.
وقال الداعية الإسلامي، خلال حلقة برنامج لعلهم يفقهون: ده ربنا بعد قصة عزير وسيدنا إبراهيم في سورة البقرة تحدث عن إنفاق الأموال في سبيل الله، أنا مش بقول لهم هاتوا فلوسكم ولا أدوها للغلابة، بقول لهم وقفوا احتكار للسلع والله أنا حريص عليكم عشان تكونوا من المفلحين يوم القيامة بدل ما تكونوا من الخاسرين.
وأضاف الشيخ رمضان عبد المعز: طلعوا وساعدوا الناس الفلوس اللي في الدنيا لن تفيدكم في الآخرة، شوف الناس اللي بتاجر مع ربنا ساعدوا الناس، ارحموا من في الأرض يرحمكم من في السماء.
