ابن بلدنا وجايبها من تحت.. كيف دعم عمرو محمود ياسين محمد صلاح؟
حرص المؤلف عمرو محمود ياسين، على دعم اللاعب محمد صلاح، بعد الهجوم عليه مؤخرًا من قِبل الجمهور، وذلك بعد إصابته في مباراة مصر وغانا.
وكتب عمرو محمود ياسين منشورًا عبر حسابه الرسمي بموقع فيسبوك: أسطورة مصر المظلوم اللي الناس بتحب تقسو عليه وتسخر منه وتظهر له الكراهية والتقليل منه، بتحب تقف له على الواحدة، بيحبوا يحكموا عليه من غير ما يفهموا كل التفاصيل، أهو الراجل طلع إصابته قويه و طلع إنه محتاج علاج غير متوفر في المدينة اللي الفرقة رايحاها بعد التأهل.
وتابع عمرو محمود ياسين: يا جماعة الناس اللي ملهاش مصلحة في مهاجمة صلاح، بعيدًا عن اللاعبين السابقين وبعض الإعلاميين، ماتروحوش مع الرايجة، صلاح راجل شريف وطيب وبنى نفسه بنفسه وحفر في الصخر عشان يصنع اسمه ومش مقصر مع بلده في شيء، بالعكس الراجل ده ساهم في وصولنا كاس عالم وساهم في وصولنا اتنين نهائي إفريقيا.
وأردف عمرو محمود ياسين: وهو هداف تاريخي لمصر وأكبر اسم لرياضي في تاريخ مصر، أصلا منذ اخترعت الرياضة، هو الكينج مو، اللي بيتغنى الإنجليز باسمه، وبيحترمه العالم، إحنا ليه بنعمل كده ؟ حتى لو البعض شايف له هفوات أو أخطاء أو تصرف ماجاش على هواه، مابندبحهوش، ده ابن بلدنا وجايبها من تحت، عيب.. ياريت الناس تراجع نفسها.
الهجوم على محمد صلاح
وجاء الهجوم على محمد صلاح من قِبل الجمهور، بعد إصابته في مباراة غانا التي أقيمت منذ أيام وإعلان عودته إلى إنجلترا لاستكمال العلاج، وذلك كان بسبب إصابته، تلك المباراة التي جمعت بين مصر وغانا ضمن منافسات الجولة الثانية من دور المجموعات لبطولة كأس أمم إفريقيا 2023.
