أجبروه على معاشرة حماته أمام مراته.. ماذا حدث من عصابة الهرم؟
كشف المحامي إيهاب المنصوري تفاصيل اتهام سيدة أعمال لعصابة بمنطقة الهرم على معاشرة زوج ابنتها والتعدي عليها وأسرتها بالضرب والسب وسرقة مشغولاتها الذهبية داخل شقتها. تفاصيل واقعة اتهام موظف بشركة عقارات، لـ عصابة أجبرته على معاشرة حماته مالكة شركة استثمار عقاري ومقاولات، والتعدي على أسرتها بالضرب باستخدام أسلحة نارية وسرقة مشغولات ذهبية في الهرم.
عصابة تجبر سيدة على معاشرة زوج ابنتها
واستمعت جهات التحقيق، لأقوال الشاب المجني عليه وجاءت كالآتي: اللي حصل إن أنا قفلت مكتب العقارات اللي شغال مع حماتي فيه، وطلعتلها فوق قولتلها عايزة حاجة، أنا قفلت المكتب ونازل أجيب حاجة من السوبر ماركت وهطلع، فقالتلي ده في واحد كلمني وقالي إنه عايز شقة أربع أوض في المريوطية وهييجي دلوقتي فاسحبه بالأسانسير، فسحبته بالأسانسير، وهو دخل وأنا نزلت أجيب حاجة من السوبر ماركت.
وأتبع، المجني عليه بالتحقيقات: بعد كدة طلعت فوق عند حماتي لقيت متهم بـ عصابة الهرم كان بيشرب قهوة فقلتله إنت منين يا برنس، فقالي أنا من مدينة نصر، فأنا قولتله الغريب في بلدنا سلطان لقيته، راح قايم وطلع من بنطلونه سلاح خرطوش وقال اللي هتصوت هموتها، وراح راجع على الباب وفتحه وراح دخل أربعة كان معاهم أسلحة بيضة، ورفعونا كلنا وقعدوا يشتموا فينا، فأنا بقولهم في إيه فراحوا ضربوني بظهر المطوة على دماغي.
جريمة عصابة الهرم
وأضاف المجني عليه بالتحقيقات: عصابة الهرم بعد كدة دخلوني أنا وحماتي ومراتي أوضة الأطفال وراحوا مهددنا بالأسلحة البيضة اللي معاهم والخرطوش، وأجبرونا نقلع هدومنا وقالولي إنت هتعاشر حماتك، فأنا قولتلهم حرام دي زي أمي فضربوني بالمطوة من ناحية ودني وضربوني بالمطوة في رجلي وبعدين راحوا أجبروني أعمل كدا وصوروني فيديو معها.
واستكمل الشاب المجني عليه: بعدها لقيت واحد من عصابة الهرم عاشر حماتي وبعد كدة دخلوا مراتي الأوضة اللي فيها الخزنة وقالولها افتحي الخزنة، فقالتلهم ماما هي اللي معاها الرقم السري فراحوا شدين حماتي من شعرها ودخلوها عند الخزنة وقالولها افتحيها، فقالتلهم أنا مش فاكرة الرقم السري فحطوا على رقبتها مطوة وقالولها افتحيها وإلا هنقتلك، ففتحتلهم الخزنة وسرقوا كل اللي فيها وبعدين سرقوا مني 2800 جنيه والتليفون بتاعي، وسرقوا حلق أخت مراتي الصغيرة غضبًا عنها، وبعد كدة دخلونا الأوضة وقفلوا علينا بالمفتاح وهربوا، فأحنا طلعنا أول ما سمعنا صوت الباب فطلعنا وراهم وقولنا حرامي امسك حرامي، فالناس حاولت تمسكهم وقاموا ضاربين نار في الشارع وهو ده كل اللي حصل.
