السيسي: بناكل وبنشرب وكل حاجة متوفرة لكن غالية.. كله يهون عشان البلد
قال الرئيس عبد الفتاح السيسي، رئيس الجمهورية، خلال حديثه عن الأزمة الاقتصادية: "إحنا بناكل وبنشرب، وكل حاجة متوفرة، لكن غالية وإيه يعني كله يهون عشان البلد".
وأضاف الرئيس السيسي خلال احتفالية عيد الشرطة المقامة الآن في أكاديمية الشرطة: “وإنتم شايفين البلاد جنبنا مش عارفين ندخلها أكل، شوية دقيق يعملوا عيش ياكلوه، إحنا كنا بنقدم 600 شاحنة، دلوقتي مش عارفين نقدم الكلام ده، وده بسبب تعنت الجانب الإسرائيلي".
وقال الرئيس عبد الفتاح السيسي رئيس الجمهورية، إنه يقدر حجم التحدي الذي يعيشه المصريين في ظل تلك الأزمات، متابعًا: إذا مكانتش الدولة المصرية بكل ما فيها يعملوا على إن مواردنا من التجارة تساوي أكتر أو تساوي إنفاقنا من الدولار هيكون دايمًا عندنا مشكلة وهي دي كل الحكاية.
وتابع الرئيس السيسي خلال كمته في احتفالية عيد الشرطة: “حد ممكن يقول الحكومة والدولة تضبط الموقف في الأسواق، طبعًا ليكم حق، لكن عاوز أقولكم اللي بتكلم عليهم دول مواطنين مصريين، لما أكون مصري، وعندي قدرة على الكسب، وأتصور إن المكسب المناسب يكون كفاية”.
احتفالية عيد الشرطة
وتابع السيسي: ده كلام مش بالخواطر تمشي الدول، الدول تمشي بالسياسات والقوانين والعمل، والأزمة اللي أحنا فيها ليها حلول أكيد، بس كلها بتعتمد علينا كلنا، إحنا بنجيب عربيات بأربعة ونص مليار دولار في السنة، 2 مليار دولار موبايل في السنة، وإحنا بقينا 106 مليون وكل حاجة متوفرة.
قال الرئيس عبد الفتاح السيسي، رئيس الجمهورية: “أنا بتكلم معاكم بقلبي، من كام يوم قولت إن استقرار الدول، أمر لا تتحمله الحكومة ولا القيادة فقط، بل كل الشعب المصري، مسئول عن أمنها ومستقبلها واستقرارها وتقدمها”.
وأضاف: أنا بقول الكلام ده في وقت صعب، وزي ما أنتم شايفين المنطقة بالكامل والعالم في وقت صعب جدًا ومضطرب قوي، والأوضاع في المنطقة وقطاع غزة وبعد 4 شهور من الحرب على القطاع، يا ترى الأربع شهور عدوا بسهولة في مصر؟.
