إليسا عن اعتزالها: قررت ارجع بإنتاجي الخاص ومش هعمل احتكار لغيري

سردت الفنانة اللبنانية إليسا تفاصيل حياتها الشخصية وأولى خطواتها في المجال الفني، خلال فيلم وثائقي عنها يحمل اسم It’s OK، الذي عُرض مؤخرًا على منصة نتفليكس، كما تطرقت لقرار اعتزالها وابتعادها عن مجال الغناء.

كواليس اعتزال إليسا للغناء

وقالت إليسا خلال الفيلم الوثائقي: أنا من أكتر الفنانات اللي اتهاجموا على فمي وعلى لبسي وهجوم بيتعمل بوقت مكنتش لسه محصنة والناس بتكبلي سموم طول الوقت، وهدفها الهلاك، واتحديت كل شيء ظلم المجتمع والعنصرية والذكورية والانسلاخ عن أهلي والموت اللي واجهته ورجعت وقفت، ومفيش حاجة بتقف، كله بيعدي.

وعن قرار اعتزالها، أردفت إليسا: في فترة قررت اعتزل وكان قراري 100%إاني مش عايزة أغني وهذا الخبر ضايقني وزعلني ورجعت عنه لما جات فكرة برأسي لما شوفت ريأكشن العالم الفانز وبعض الصحافة قررت إني ارجع بإنتاجي الخاص أو ما برجع.

وأضافت إليسا: لما قررت أعمل شركة السبب إني كنت عايزة أنتج لنفسي، ولما أنتج لغيري مش هعمل القصص اللي حصلت معايا، زي الاحتكار وحقوق الملكية التي لا أملكها وأعيّش الناس اللي همضي معاهم نفس اللي عيشته، بل هخلي عندهم حرية مطلقة، وينموا موهبتهم.

وتابعت: حلو شعور إني أوصل لمكانة أدير كل ما يخصني، مفيش شيء ممنوع في الليس، ولو عايزة أعمل ديو مع فنان بعمل الشيء اللي أنا عايزاه، في الوقت اللي أنا عايزاه، وهذا أجمل شعور في العالم، بختا رالأغاني بتاعتي والألحان وبتدخل في جلسات التصوير، والحرية كتير مسئولية، ولما الواحد بيعمل شركته بياخد ريسك إنه بقى لوحده، وبقى المسئول الوحيد.