يعني إيه نص مليون دولار!.. محمود سعد يُعلق على أجر نجاة الصغيرة في حفل Joy Awards
علق الإعلامي محمود سعد على الأخبار المتداولة بشأن تقاضي نجاة الصغيرة نصف مليون دولار، في حفلها الأخير بـ حفل توزيع جوائز Joy Awards، الذي أقيم في المملكة العربية السعودية، حيث سخر الإعلامي من هذا الرقم الذي لا يكافئ قيمة قيثارة الشرق نجاة الصغيرة.
وقال محمود سعد، في فيديو له، عبر حسابه الشخصي بموقع التواصل الاجتماعي فيس بوك: نجاة الصغيرة فاكهة في مجتمعنا العربي، ولما طلعت قالوا دي خدت نص مليون دولار، دا السقف بتاعكم يعني؟!.. إيه نص مليون دولار ده؟
محمود سعد يعلق على أجر نجاة الصغيرة
وتابع محمود سعد: كمان بيقولوا خدت 250 مليون جنيه، وهو ما يعادل الـ 5 مليون دولار تقريبًا، رقم مش كبير خالص على نجاة، تاخد زي ما تاخد فنانة كبيرة وراحت غنت في حفلة من حقها تاخد فلوس، هي راحت تشارك في حاجة فن، راحت تأدي عمل مقابل مادة، وكل واحد بياخد فلوس حسب قيمته.
أما بالنسبة لظهور نجاة الصغيرة في الحفل، وهي تقدم أغنيتها الشهيرة عيون القلب بـ خاصية البلاي باك، فقال: أنا بحب الفنانة نجاة لكن بقول مكنش ينفع تطلع كدة، كانت تطلع تقعد على كرسي وتغني أفضل، لكن تقف وتحرك بوؤها وتغني بلاي باك مش قيمة نجاة الصغيرة، لكن ربما تكون حابة تطلع تقف على المسرح تاني، وتشوف احتفال الناس بيها دا من حقها.
