شيماء سيف: أتمنى جوزي يفضل في حياتي ويحبني
كشفت الفنانة شيماء سيف، النعم في حياتها، إلى جانب حديثها عن بدايتها وطفولتها، وغيرها من الأمور، خلال استضافتها في أحد البرامج التلفزيونية.
وأضافت شيماء سيف، أن هناك نعمًا كثيرة في حياتها قائلة: عندي نعم كتير، زي نعمة وجود أمي في حياتي بصحة وعافية، ونعمة دعواتها ليا دي نعمة كبيرة، ونعمة إخواتي ونعمة الصحة، ونعمة حب الناس ودي نعمة مهمة وكبيرة وبحبها، ونعمة التوفيق.
وسألها المذيع حول إذا ما كان زوجها محمد كارتر من ضمن النعم بحياتها، لترد: أكيد من ضمن النعم الكبيرة، وربنا لما يوفقك هيديك زوج كويس وحنين وراجل‘ فده توفيق لأن التوفيق شامل حاجات كتير، زي إن ربنا يكون موفقك في شغلك.
وأضافت شيماء سيف، عن الأشياء التي تنقصها: كلنا واخدين الـ 24 قيراط، كلنا بني آدمين، وساعات مثلًا لما أشوف حد عنده حاجة أنا حباها، فأروح على طول أفكر نفسي وأقول بس أنا عندي كذا مش عنده، ألاقي فيه توازن معمول، وأقول طيب لو اللي عنده جالي واللي عندي اتشال فلاقيني بقول لأ أنا مش هقدر أستنغنى عن الشيء اللي عندي، ولذلك مش بحس إن فيه حاجة في الحياة نقصاني، كل حاجة ربنا مديهالي ومعنديش أمنيات.
واختتمت شيماء سيف: الأمنيات إن أمي ربنا يخليها ليها وتفضل عايشة بصحة وعافية، وإن جوزي ربنا يكرمه ويفضل في حياتي ويفضل يحبني، وكل ده في إيد ربنا، وأنا بتمناه لكنه مش ناقصني هو موجود وبتمنى إنه يدوم.
شائعات طلاق شيماء سيف وزوجها
ومؤخرًا انتشرت شائعات تزعم طلاق شيماء سيف من زوجها المنتج الفني محمد كارتر، وخاصة بعد منشور كتبته شيماء جاء فيه: لم تستطع أن تكون لها زوجًا، فكن رجلًا، وإن ثقلت عليك الرجولة، فكن إنسانًا، فإن لم يكن منك لا هذا ولا ذاك، فسرحها بإحسان، حتى تنعم بحياتها بعيدًا عن قلبك، الذي هد روحها وسلبها أمانها.
من ناحيته، نفى محمد كارتر زوج شيماء شيف الشائعات التي انتشرت، وعبر عن استيائه الشديد مما تم تداوله إذ كتب: حصريا ووقع الطلاق وعنف جسدي ومعنوي ولفظي الكلام ده ممكن يكون عند أمك مش عندنا، وناقص تحلفوا إنه حصل لا وخيانة وجواز عرفي ولا في الأفلام! بتجيبوا الهري دي منين، هو أي كلام علشان تكسبوا ريتش ولا مدفوعلكوا علشان تروجوا لكلام مالوش أي أساس؟ عاوزين إيه ؟ طيب ما كل مرة بيبان إنكم كذابين وشكلكم وحش اه معلش ما أنتم وشكم مكشوف وما يفرقش معاكم كان نفسي آخد المسار القانوني وارفع قضية عليكم بتهمة التشهير ولكن أنتم أرخص من الورق اللي هيتكتب عليه.
