زوجة العامري فاروق ترثيه بكلمات مؤثرة: روحي مشيت معاه
رثت مي مسعود زوجة العامري فاروق، نائب رئيس الأهلي الراحل، زوجها بعد وفاته أمس الجمعة، عن عمر ناهز الـ54 عامًا.
رسالة زوجة العامري فاروق
كتبت زوجة العامري فاروق عبر حسابها الرسمي على موقع فيسبوك: من امبارح مش قادرة أكتب وأقول إن زوجي وحبيبي وأبويا وكل حاجة في دنيتي خلاص مبقاش معانا في الدنيا دي.
وتابعت: عامري كان الضهر والسند لي ولأولاده وأخواته وأبوه وأمه وأصحابه وأي حد بيطلب منه حاجة، واللي شوفته إمبارح كان مظاهرة في حب العامري.
وواصلت: واحد أفنى حياته في حب الآخرين وخدمتهم وإسعادهم، بدون ما ينتظر مقابل، مفيش كلام هيواسينا كلنا على غيابه، بس في الآخر لا نملك غير الدعاء إننا نتحمل الفراق، إن ربنا يعنيا ويصبرنا كلنا.
واختتمت زوجة العامري فاروق: روحي مشيت معاك يا عامري ومش عارفة إزاي هستحمل إني مش هشوف ولا هسمع صوتك تاني، عزائي الوحيد إنك ارتاحت، وبقيت في مكان أفضل وأحسن من الدنيا دي، ومتغلاش على اللي خلقك.
وفاة العامري فاروق
ورحل العامري فاروق عن عالمنا بعد معاناة طويلة مع المرض، حيث مكث في أحد المستشفيات الخاصة منذ نوفمبر الماضي، بعد تعرضه لنزيف مفاجئ في المخ، قبل أن تهاجمه العديد الجلطات وخضع لأكثر من عملية جراحية، قبل أن يلفظ أنفاسه الأخيرة صباح أمس الجمعة.
