النصّاب استخدم نفس صوت أخوها.. فتاة تتعرض لعملية سرقة باستخدام الذكاء الاصطناعي
ظهرت فتاة تدعى مرام في فيديو على تيك توك، تروي فيه تفاصيل تعرضها للنصب هي ووالدتها عن طريق مكالمة تليفون من شخص فبرك صوت أخوها وطلب منهم 8000 جنيه.
فتاة تتعرض لعملية نصب باستخدام الذكاء الاصطناعي
وقالت مرام خلال الفيديو الذي نشرته على تيك توك: اتصل بيا رقم رديت لقيته أخويا بيسألني أنتِ في البيت، قولتله أه قال ادخلي الغرفة، دخلت وصوته كان تعبان، لما سألته مالك قالي أنا في المستشفى، وماما دخلت وكانت قلقانة فقالي هاتيها اطمنها.
وأضافت: قالي اكتبي الرقم ده عندك وحولي عليه فلوس علشان أنا في المستشفى ومحتاج اعمل تحاليل واشاعات، نزلت علشان احول الفلوس وفضل مع ماما على التليفون لحد ما رجعت، وقفل وشوية واتصل بينا تاني وسألناه على المستشفى قالها مكان قريب مننا واسم المستشفى.
وتابعت: وبعدين كلمنا تاني وطلب 3 آلاف جنيه ونزلت حولتهم على اللي الرقم اللي باعته، فحسيت أنه يأما واقع في مشكلة أو هو تعبان فعلًا مجاش في دماغى أنه واحد نصاب، وبعد ما حولت الفلوس اتصل اتطمن عليا وسألني عندي إيه وكان بيكلمني بنفس طريقة اخويا، وسألني على رقم عمتي فاستغربت لأن عمتي ميتة قلت له لأ وبعدين سألني على رقم خالتي وقفل.
وأردفت: اتصلنا برقم أخويا وبنسأله عمل أيه قالنا أنا في الشغل، لما سألناه على الفلوس قال متهزروش أنا ما اتصلتش بيكوا، وقلنا إننا اتنصب علينا في 8000 جنيه، وأنا مش عارفة هو جاب التفاصيل ديه كلها منين.
