أبرز تصريحات هنا الزاهد: روحت لدكتور نفسي بسبب إقامة جبرية.. وأي شخص بيجيب سيرة أحمد فهمي بحط إيدي في عينه
حلت الفنانة هنا الزاهد ضيفة على إحدى البرامج الإذاعية، وخلال لقائها كشفت العديد من الأسرار حول حياتها الشخصية، مشيرة إلى أنها تتمنى قضاء وقت أكبر مع عائلتها، حيث اكتشفت أن العائلة هي أغلى شيء في الحياة.
نستعرض لكم في هذا التقرير أبرز تصريحات هنا الزاهد الإذاعية:
-عملت في السينما فيلم مستر إكس وكنت مبسوطة بيه ونجح نجاح كبير وهو أعلى فيلم في الخليج.
-اشتغلت مع تامر حسني عملين فرق توقيت وفيلم بحبك.. هو إنسان صادق ومش أناني.
-مش بحب يوم ميلادي، ومش بحب يتفرض عليّا إن في اليوم ده لأزم أكون سعيدة.
-أنا وأحمد فهمي أصحاب وفي بينا عشرة 5 سنين.. وأي اتنين مش لازم يسيبوا بعض بسبب مشاكل.
-أي حد بيجيب سيرة أحمد فهمي بحط إيدي في عينه.. ولازم كل شخص مر بتجربة يكمل.
-أنا إنسانة صبورة جدًا وممكن أصبر سنين بس بقول للشخص خد بالك أنت مضايقني وده بيوجعني نفسيًا.
تصريحات هنا الزاهد
-روحت لدكتور نفسي قبل تصوير مسلسل إقامة جبرية علشان الشخصية.. وهيبقى مختلف عن جميع أعمالي السابقة.
-عائلتي هم أحلى شيء في حياتي ووالدتي لولا دعائها مكنتش وصلت للي أنا فيه.
-والدتي بمثابة صديقتي وأقرب شخص لي وتعيش حياتها لنا جميعًا
-كان المفروض يكون في جزء ثانِ من مسلسل سيب وأنا أسيب لكن أعتقد أنه مش هيتم تنفيذه.
