بشرى: لو هدِّي نفسي جائزة هتكون لأني لسه عايشة ومكلمة.. وفرحتنا مش مكتلمة بسبب أحداث غزة | فيديو
تحدثت الفنانة بشرى عن شعب غزة والمعاناة التي يعانوها، مؤكدة أنها لن تنساهم حتى لو كانت الحياة مستمرة.
وقالت بشرى في لقائها مع القاهرة 24: مش ناسيين حتى لو الحياة بتستمر، مش هينفع ننسى ومش هينفع تكون فرحتنا مكتلمة، إحنا فرحتنا ناقصة ومنتقصة وغير كاملة وهتفضل كذلك، لحد ما المايلة تتعدل، والحق يرجع لصحابه، وما ينفعش ننسى خصوصًا في جو الشتاء ممكن يكون في ناس بلا مأوى وأطفال بلا مأوى وأمهات قلوبها محروقة، صعب ننسى ده لأننا جزء من العالم والحياة وجزء من الإنسانية حتى لو بنتكرم ما ينفعش ننسى.
وقالت بشرى إنها لو تحمل جائزة ستعطيها لكل الشعوب التي تعاني، وكذلك الشعب المصري قائلة: لو معايا جائزة هديها لكل الشعوب اللي بتعاني والشعب المصري الصبور جدًا وبديها لأي حد مثابر وأي امرأة في مهنة الفن مثابرة وقوية وبتتحامل على نفسها وسط كل العكوسات والظروف.
وأضافت بشرى: ولو هدِّي جائزة لحد من عائلتي هتكون لـ أمي وأولادي لأن هما دول السند والحقيقة الوحيدة في الحياة.
زكشفت أنه في حال أعطت الجائزة لنفسها ستكون على معافرتها في الحياة قائلة: لو هدِّي نفسي جائزة هتكون لأني مكملة ولسه عايشة ولسه بعافر ولأني شخص معافر.
أحدث أعمال الفنانة بشرى
من ناحية أخرى، كشفت بشرى أن مسلسلها طبيبة شرعية من المقرر عرضه قريبا قبل شهر رمضان، مشيرة إلى أنها تقدم دور طبيبة شرعية.
