حسن أبو الروس عن إطلالاته: عمري ما نزلت اشتريت من محل.. وعندي قصة ورا اللي بلبسه
علق الفنان حسن أبو الروس على إطلالاته المختلفة، التي يطل بها على الجمهور في المسارح والأعمال الفنية، وحتى في المناسبات العامة مثل المهرجانات السينمائية.
وقال حسن أبو الروس خلال ندوته في القاهرة 24: من وأنا صغير في المدرسة كان عندي باند مع أصحابي، ودايمًا شكله مميز وطريقته، كان اسمه روك اللول، ومعرفش اطلع على المسرح بلبس عادي.
وأضاف حسن أبو الروس: الناس هتشوفني وتصورني وجايين عشان تشوف اللبس ده، فلازم أديلهم كواليتي وحاجة حلوة، مينفعش يشوفوني على المسرح زي ما بيشوفوني وأنا خارج، أنا بقدر المسرح أوي وبحب الناس تيجي تتبسط وتنبهر، وبحب دايمًا أبقى مُبهر عشان أضيف للناس حاجة.
وأردف حسن: طبعًا بتكلف جدًا ومجهود ووقت، اللي أغلى من الفلوس هما الفنانين اللي بيشتغلوا معايا، كل اللي بيعملولي لبسي هما فنانين في مجال الأزياء والموضة، وعندي جاكيت معمول في 80 ساعة مكون من اللولي والصدف، ومبحسبش الحاجة غالية فلوس، ولكن أنا بقدر المجهود.
وتابع حسن أبو الروس: معظم هدومي معمولة، ودايمًا عندي قصة في اللي بلبسه، عمري ما نزلت محل اشتريت حاجة في حياتي، وحتى الجاكيت اللي أنا لابسه مكتوب عليه الأرض أرضي عشان فلسطين.
أعمال حسن أبو الروس
وفي سياق منفصل، حقق حسن أبو الروس نجاحًا ملحوظًا بمشاركته في مسلسل حالة خاصة مع الفنانة غادة عادل وطه دسوقي، ولعب دور رجل يدعى عز ويكون محاميًا في مكتب غادة.
