لقيت ريش بالدم في باكيت بطاطس.. سيدة تتهم مطعم أنس الدمشقي بالإهمال
حررت إحدى السيدات محضرا بقسم شرطة مدينة نصر أول، تتهم فيه إدارة مطعم أنس الدمشقي فرع مدنية نصر أمام مول سيتي ستارز، بالإهمال في تحضير الطعام، وإعداد وجبة من البطاطس تحتوي على ريش الطيور ملطخة بالدماء، تناول طفلها بعضًا منها.
وتوجهت إحدى السيدات لتحرير محضر بقسم شرطة مدينة نصر أول، تتهم فيه إدارة مطعم أنس الدمشقي فرع مدنية نصر أمام مول سيتي ستارز، بالإهمال في تحضير الطعام، وإعداد وجبة من البطاطس تحتوي على ريش الطيور ملطخة بالدماء، تناول طفلها بعضًا منها.
مطعم أنس الدمشقي
تواصل القاهرة 24 مع الشاكية، وقالت: أنا كنت في مطعم أنس الدمشقي بمدينة نصر في طريق النصر اللي عند سيتي ستارز، ولظروف مرضية عندى كنت مضطرة إنى أجيب أكل من الشارع، ومعانا طفل صغير بيبي جبتله باكيت بطاطس يعنى يعتبر أأمن حاجة اجيبهاله من بره، ففوجئت في بوقه على البطاطس اللي بياكلها ريش بجلد ودم ولسه فريش شكله، فخوفت جدا على الطفل وطلبت مدير المحل يشوف ايه القرف ده، وإزاي أصلا يكون في الأكل حاجة زي كده.
وأضافت السيدة: المدير مسك الريش اللي بالدم ده ورد المدير بيقولي يعني احنا قاصدين نحط قرف في الأكل، ده عادي غلطة غير مقصودة تلاقيها كانت في الباكيت قبل ما نحط البطاطس، بقوله يعنى ايه؟، بيقولي يعني عادي احنا قاصدينكم يعنى؟، وبدأنا نزعق على الكلام الغريب ده اللى ميطلعش من حد مسئول أصلا، فقولتله هات اللي في ايديك ده أقصد الريش بيقولى لا وبيزق أيدي وبيزقني وبدأ سب وكلام استفزازي وطلبنا الشرطة وجت فعلا.
واختتمت: طلع المدير معهوش بطاقة أصلا وكلموا مدير سوري أعلى منهم جه على الشرطة، وبردوا معهوش بطاقة ولا معاه أوراق إقامة أصلًا، وقعدوا يقولوا بتحصل عادي وكلام عجيب، وجاب الشيف المسئول اللي كان بيحط الأكل، وقال اسمه ناصف وطلع معهوش شهادة صحية وقعدوا يدوروا في الورق بتاع المحل على أوراق ليه ملاقوش، ومفيش لأصلا هويات، وتم عمل محضر في المحل والمديرين في قسم أول مدينة نصر.
