اختفاء ربة منزل بسوهاج.. وأسرتها: سابت عيالها ومش عارفينها فين | صور

تعيش أسرة مكونة من 5 أفراد بمدينة طهطا شمال محافظة سوهاج، حالة من الحزن الشديد، عقب اختفاء ابنتهم البالغة من العمر 22 عامًا، منذ 8 أيام، بعد حدوث مشادة بينها وبين زوجها.

اختفاء ربة منزل في سوهاج.. وأسرتها: سابت عيالها ومش عارفينها فين

وقال صابر علي قاسم، والد الفتاة المتغيبة، إن ابنته تُدعى فرحة، تبلغ من العمر 22 عامًا، متزوجة ولديها 3 أطفال، وتغيبت عن منزل زوجها منذ 8 أيام.

وأضاف والد الفتاة لـ القاهرة24: فرحة كانت عندي بتزورني هي وعيالها، ورجعت بيت جوزها قبل ما تغيب بحوالي 4 أيام، ولما اتصلنا بيها عشان نطمن عليها لقينا تليفونها مقفول، ولما اتصلنا بجوزها قال إنها مش في البيت خرجت من الصبح ولسه ما رجعتش.

وأشار والد فرحة إلى أن مشادة كلامية نشبت بينها وبين زوجها قبل تركها المنزل، ولم يتم حتى الآن الوصول إليها أو معرفة مكان تغيبها، وجرى تحرير محضر بالواقعة.

والدة فرحة: بنموت ليل نهار عليها من الحزن

وأوضحت والدتها، أنهم يعيشون في حالة من الحزن والبكاء ليل نهار، وأنهم بحثوا عنها في كل الأماكن التي قد تكون فيها، حتى أقاربهم لا يعلمون شيئًا عنها ولم تتواصل معهم قبل تغيبها ولا بعد أن تركت المنزل.

وناشد والد فرحة المتغيبة من يتعرف عليها أو يعرف مكانها التواصل معهم قائلًا: نفسي أشوفك يا فرحة وارجعي البيت تاني عشان خاطر عيالك، وعشان خاطري وخاطر والدتك اللي بتموت عليك من الحزن، ويا ريت اللي يعرف طريق فرحة بنتي يكلمني ويتواصل معانا.