إسعاد يونس: هشام جمال ابني الروحي.. وكنت عاملة نفسي مش عارفة بعلاقته بـ ليلى زاهر
قالت الفنانة والإعلامية إسعاد يونس، إنها تعتبر الفنان هشام جمال ابنها الروحي، بجانب معرفتها بعلاقته بالفنانة ليلى زاهر قبل إعلان ارتباطهما رسميًا.
وأضافت إسعاد يونس في برنامجها صاحبة السعادة المذاع عبر شاشة قناة DMC: فيه ناس افتكرت أن هشام جمال ابني فعلًا، وهو طلع قال أنه ابني الروحي، وأنا عارفة أنه عمل شغل مع ليلى زاهر اللي هتكون مرات ابني مستقبلًا، وكنت فاقسة كل حاجة وأسألهم أنتم مرتبطين؟، يقولولي لأ والله إحنا زملاء، وأنا كنت عاملة نفسي مش عارفة.
من جانبه، تحدث الفنان هشام جمال عن علاقته بالفنانة ليلى زاهر، قائلًا: ليلى كانت حطاني في الفريند زون فترة كبيرة، وكانت طول الوقت بتقول أخويا، وكنت بتعامل على إنها زميلتي في الشغل اللي مسئولة مني بنت صاحبي وحبيبي النجم أحمد زاهر، فكنت أنا باصص لها بصة معينة مكنش فيها مشاعر وغراميات.
هشام جمال: أنا واخد ليلى زاهر أربيها على إيدي
وأضاف هشام جمال: وقت مسلسل في بيتنا روبوت كنت متحمل مسئولية ليلى أنها بنوتة صغيرة لسة في الشغلانة، وعندي من الخبرة اللي يخليني أقول البنت دي عايزة اللي ياخد باله منها وما حدش يشتغلها في حاجة مش كويسة، ومكنش فيه أي حاجة أكتر من كده.. وواخدين البنت نربيها على إيدينا مافيش ماضي.
