أحمد يونس من معرض الكتاب: كان نفسي أعمل حاجة للأطفال ومحبَط من شركات الإنتاج
شهدت قاعة ديوان الشعر في معرض القاهرة الدولي للكتاب في دورته الخامسة والخمسين، ندوة الإعلامي أحمد يونس ورضوى شريف نجله الإعلامية الراحلة سلوى حجازى، للحديث عن تجاربهما الإبداعية في كتابة قصص الأطفال، وذلك ضمن برنامج المؤسسات الثقافية.
وقال الإعلامى أحمد يونس: كل كتاب ليا بينزل يبقى أكثر من 6 أو 7 نسخ عندى فى البيت بعدل عليهم بفضل أكتب وأعدل، أنا إنسان عادى وبسيط ولما أشوف 12 ألف شخص فى حفل توقيع أول كتاب ليا أغم عليا ودخلت المستشفى وقولت هو أنا أستأهل الحب ده كله.
وتابع يونس: طول الوقت كان نفسى أعمل حاجة للأطفال وكنت محبطا إن شركات الإنتاج دائما تقولي برامج الأطفال مبتجبش فلوس، لازم أجاري العصر وأنا ودائما عينى على أولادي وأنا بكلم الأطفال في البرنامج، ومن صغري بحب بقلظ شخصية الكارتون مع ماما نجوى قولت ليه ميبقاش معايا في البرنامج شخصية الكارتون وسميته زيتون وبقى مشهور عند الأطفال والكبار.
من جانبها، قالت رضوى شريف، نجله الإعلامية الراحلة سلوى حجازى: إن الكاتبة الراحلة بدأت حبها للأطفال من البيت لأن في حاجة ثابتة وهي حدوتة قبل النوم، وعملت برنامج عصافير الجنة، وهي شخصية واحدة على طبيعتها نفس البرنامج نفس البيت.
وتابعت رضوى: بستغرب مفيش أي برنامج للأطفال بعد ماما سلوى وماما نجوى، وكانت ماما بتستمد أفكار البرنامج من البيت وماما سلوى كانت بتعد للبرنامج بنفسها سوا عصافير الجنة أو برنامج آخر، وكل مصروفها كله رايح على الكتب وربتنا من صغرنا على حب القراءة.
