مسلم: صعب أعمل أغاني مهرجانات.. وتجربة فيلم درويلة مختلفة
كشف المطرب مسلم عن سبب عدم تعاونه في ديو غنائي مع مطربي أغاني المهرجانات، بجانب الحديث عن مشاركته في فيلم درويلة.
وقال مسلم خلال لقائه مع القاهرة 24، إن تجربة فيلم درويلة مختلفة، مشيرًا إلى أنه رفض العمل بالبداية عندما عرض عليه، معلقًا: رفضت في الأول عشان مكنتش حابب تجربة التمثيل بس بعد كده حسيت أنها ممكن تكون لطيفة.
مسلم: صعب أقدم أغاني مهرجانات
وعن إمكانية مشاركته في ديو غنائي مع مطربي المهرجانات، أوضح مسلم: صعب أعمل أغاني مهرجانات لأني مبحبش النوعية دي من الأغاني ومهتم جدًا باللون بتاعي وليا بصمة خاصة، مش حابب أخسرها والأغاني مش شبه اللي موجودة.
أعمال مسلم
وفي سياق آخر، أوضح مسلم رأيه في فكرة الذكاء الاصطناعي، خلال تصريحاته مع القاهرة 24 مؤخرًا، قائلًا: عجبني الذكاء الاصطناعي بس في نفس الوقت هو يقلق الواحد، ولكن إحساس المطرب نفسه صعب يتعوض مهما حاولت تعمله محاكاة، هو ليه مميزات وليه عيوب بس يا رب متكونش كتيره جدًا ومن مميزاته أنك تقدر تسمع أي أغنية عجباك بصوت مغني تاني أنت بتحبه عيوبه بقي زي حقوق الملكية.
وعن أعماله في الفترة المقبلة، فعلق مسلم قائلًا: أحضر لألبومي الجديد ويا رب يعجب الناس ومكون من 15 أغنية أطرح أول أغنية منه يوم 10 أكتوبر.
