إزاي التلاجة على العروسة؟.. فتاة لبنانية تثير الجدل بفيديو عن عادات الزواج المصري
تداول مستخدمو مواقع التواصل الاجتماعي مقطع فيديو لفتاة لبنانية، تتساءل عن جهاز العروس المصرية، بعد أن عبرت عن تعجبها الشديد بأن الفتاة المصرية تشارك في دفع بعض مصاريف تجهيز منزلها للزواج.
التلاجة على العروسة؟
ونشرت الفتاة اللبنانية التي تدعى هنادي أبو مجاهد، عبر حسابها على منصة التيك توك، فيديو تتساءل فيه عن مشاركة الفتاة المصرية المقبلة على الزواج، مصاريف شريكها في تجهيز منزلها، رافضة العادات المصرية الشهيرة التي تؤكد دائمًا: التلاجة على العروسة.
وقالت هنادي عبر الفيديو: هي العروسة المصرية بجد لازم تجيب التلاجة والبوتجاز.. مش على الراجل؟.. وتعبر عن صدمتها قائلة: إحنا عندنا بلبنان الحاجات دي على الراجل، اتصدمت لما عرفت إن البنت بتجيب كل حاجتها.
لتثير الجدل بين المتابعين على السوشيال ميديا، وتشتعل التعليقات بين الرجال والسيدات المصريين، حيث علقت إحدى المتابعات قائلة: أيوة يا حبيبتي وياريت عاجب ده كمان مش عايز يكتب قايمة ولا يجيب شبكة وأبوها يصرف عليهم، ومتابع آخر يقول: عندنا في المنصورة خصوصًا شرق المنصورة كل شيء من المفروشات والأجهزة الكهربائية وكل شيء على العروسة.
تعليقات متابعي السوشيال ميديا
وعقبت متابعة أخرى: المطبخ كامل والسجاد ومفروشات السرير والستاير وأطقم الأكل والأطباق وغرفة النوم، قولى لبيك يحمد الله إنه لبنانى علشان لو مصرى هيحط عليك 200000 دولار ليجوزك، ومتابعة أخرى: جهاز البنت المصرية بيعدي المليون جنيه، الأجهزه الكهربائية وملابسها وحجر وأدوات المطبخ والمفروشات وخزين البيت والستاير والسجاد والتنجيد وميكاب.
وآخر يوضح: الراجل عليه الشقة وتشطيبها وهي عليها العفش يعني الأغراض بس النص بالنص، وبتكتب قايمة بكل حاجة جبتها والراجل بيمضي عليها عشان تحفظ حقها.
