حسيت ربنا بيناديني.. إنجي علاء: العمرة ريحتني نفسيًا وكنت محتاجاها في الوقت ده |فيديو
تحدثت الكاتبة ومصممة الأزياء إنجي علاء عن العمرة التي أدتها مؤخرًا، بعد شهر من طلاقها من الفنان يوسف الشريف، مشيرة إلى أنها كانت تحتاج إليها في ذلك الوقت وشعرت بالراحة النفسية بعد أدائها.
وقالت إنجي علاء خلال لقائها مع القاهرة 24: كنت حاسة ربنا بيناديني في الوقت ده سبحان الله، وحسيت أني عاوزة اتكلم مع ربنا، وكمان فيه مشاعر ما بقتش موجودة بين البشر صعب تقوليها لحد يفهمك.
وأضافت إنجي علاء: العمرة ريحتني نفسًيا، وحسيت إن العمرة دي كانت مهمة رغم أني عملت عمرة أكتر من مرة، ولكن كنت فعلًا محتاجاها والحمد لله إن ربنا كتبها ليا في الوقت ده، ورجعت مستريحة نفسيًا وبحاول أكون أحسن ودايمًا بحاول يكون فيه بيني وبين ربنا تواصل.
وكانت إنجي علاء نشرت صورًا لها من أمام الكعبة عبر حسابها بموقع انستجرام معلقة: الحمد لله يا رب إنك دعتني في الوقت ده بالذات.. الحمد لله يا رب إنك دايما المنقذ الرحمن الرحيم.. فاللهم اكتب لي كل الخير في اللي جاي واحفظني من كل شر واجعلها اللهم عمرة خالصة لوجهك الكريم وتقبلها مني يا رب العالمين.
إنجي علاء تتحدث عن علاقتها بـ يوسف الشريف بعد الطلاق
وتحدثت إنجي علاء عن علاقتها بـ يوسف الشريف بعد الطلاق وإمكانية تعاونهما معًا مجددًا، قائلة: أنا ويوسف الشريف علاقتنا جيدة جدًا بعد الطلاق، وفيه احترام وتقدير وعشرة وولاد بينا وهيفضل الاحترام والتقدير موجود، وإحنا عشرة 16 سنة، وهنستمر في التعاون معًا فنيًا ومسلسل الراكون هيعرض في 2025.
وأضافت عن تعليقات الجمهور على نبأ طلاقهما: حسيت أنهم عيلتي وزعلانين، لأنهم عاشوا معانا من الأول للآخر كل حاجة وكله نصيب، وأنا تلقائية واللي في قلبي على لساني، واللحظة نفسها بطلعها بصدق ولذلك اللحظات الصادقة بيني وبين يوسف الشريف وصلت للناس.
