أحمد فهمي عن مسلسل بين السطور: عشت رحلة طويلة مدتها أكتر من سنة
أعرب الفنان أحمد فهمي عن سعادته بردود الفعل التي تلقاها عن شخصية المحامي حاتم عز الدين في مسلسل بين السطور، الذي يُعرض حاليًا على قنوات mbc ومنصة شاهد الإلكترونية.
وكتب أحمد فهمي، عبر حسابه على إنستجرام: أحاسيس كتير جاتلي من أول ما قريت بين السطور ووقعت في غرام شخصية حاتم عز الدين.. مش قادر أستوعب إن فيه حد بيحب حد للدرجة دي.. قعدت أتكلم مع المخرج وائل فرج اللي بجد استحملني هو والكاتبة نجلاء الحديني استحملوني لأنهم عارفين إني بدافع عن حاتم عز الدين من كتر ما أنا حبيته وعشت معاه رحلة طويلة مدتها أكتر من سنة.
وأضاف فهمي: مبسوط من كل ردود الأفعال عن المسلسل وعن زمايلي قدام ووراء الكاميرا.. كلنا تعبنا فيه قوي ولحد دلوقتي ربنا كرمنا قوي قوي.. محدش يحاول يتوقع حاجة.. كل اللي يطلبه منكوا استمتعوا بالرحلة دي زي ما إحنا استمتعنا وعشناها.. يارب يعجبكم.
أبطال مسلسل بين السطور
يعد مسلسل بين السطور من تأليف نجلاء الحديني، وإخراج وائل فرج، وضم العديد من الفنانين مع أحمد فهمي، منهم: صبا مبارك، محمد علاء، ناردين فرج، باسل الزارو، سلمى أبو ضيف، أيمن عزب، سلوى محمد علي، كريمة منصور، ليلى عز العرب، علي الطيب.
