حسن أبو الروس: كل الاستعراضات اللي عملتها متعتبرش حفلة.. ومحمد رمضان عمنا ومفيش مقارنة بيننا
تحدث الفنان حسن أبو الروس، عن حفلاته التي أقامها خلال الفترة الماضية، مؤكدًا على أنه مازال يجرب الخوض في تجربة الغناء والحفلات، بجانب حديثه عن الفنان محمد رمضان.
وقال حسن أبو الروس، خلال ندوته بموقع الـ القاهرة 24: ولا حفلة من اللي أنا عملتهم يعتبر حفلات أنا كل ده بجرب، وبروح أماكن سهر بيجيبوني عشان الأغاني اللي أنا عاملها الناس بتسمعها فبروح أغنيها.
وتابع: الحفلة الوحيدة اللي عملتها بـ تذاكر وجمهور كانت في السعودية في مهرجان ميدل بيست، وحضر حوالي 200 ألف بني آدم، ودي كانت حفلة كبيرة.
أما عن المقارنة بينه وبين الفنان محمد رمضان، فعلق حسن أبو الروس، قائلًا: مفيش مقارنة بيني وبين محمد رمضان، ده عمنا وهو اللي فتح أن يبقى الممثل مغني وأنا بتعلم منه كمان لأن هو ياما شاف وقدر يصمد ويصدق نفسه وقلبه، وقلبه طلع صح، وهو طريق فتحه لينا وإحنا مشينا فيه، وهو بقى عالمي دلوقتي.
آخر أعمال حسن أبو الروس
وعلى جانب آخر، يعتبر مسلسل حالة خاصة، هو آخر أعمال الفنان حسن أبو الروس، والذي حقق خلاله نجاحًا كبيرًا، وشارك في بطولة العمل كل من: الفنان طه دسوقي، غادة عادل، هاجر السراج، وئام مجدي، نبيل علي ماهر، الطفل آدم وهدان، أحمد طارق، علي السبع.
