شيرين عبد الوهاب: أغنية الدهب مع روتانا مختلفة.. وحريصة أشتغل وأقدم أغاني جديدة
أعربت الفنانة شيرين عبد الوهاب، عن سعادتها بردود فعل الجمهور حول أغنيتها الجديدة “الدهب” والتي طرحتها قبل أيام مع شركة روتانا للإنتاج الموسيقي.
وقالت شيرين عبد الوهاب خلال تصريحات خاصة لـ القاهرة 24: أنا حريصة حاليا إني أشتغل وأقدم أغاني جديدة، وأغنية الدهب مختلفة بالنسبة لي، وسعيدة إني بتعاون مع الشاعر تامر حسين والملحن مدين.
واستكملت شيرين عبد الوهاب حديثها، بأنها تنتظر حاليًا طرح أغنية جديدة بعد الدهب، مؤكدة أنها ستنال إعجاب الجمهور.
وأشارت شيرين عبد الوهاب، إلى أنها دائمًا ما تكون محظوظة بالعمل مع شركة روتانا للصوتيات.
أغنية الدهب
ويشار إلى أن شركة روتانا طرحت أغنية الدهب للفنانة شيرين عبد الوهاب ضمن ألبومها الجديد، وذلك عبر موقع الفيديوهات يوتيوب، وهي من كلمات الشاعر تامر حسين والملحن مدين، وتوزيع موسيقي تومزا.
كلمات أغنية الدهب
وجاءت كلمات أغنية الدهب كما يلي: قالوا الدهب اللي بيلمع عمره ما بيصدي، ياما نصحنا ما قولنالك قولنالك هدي، لفيت الدنيا أهو وجيتلي وهتبوس على يدي، مش كان من الأول إحنا استغنينا، عيني على اللي بيتجرأ بيطرق اتهور، مسمعش اتهور معرفش يفرق، النية اللي متبقاش سالكة دايمًا بتغرق، مش كان من الأول إحنا استغنينا، ما إحنا قولنا اكبرولنا قولنا عيب عليكم قولنا حاسبوا من زعلنا، مالك واقف متكدر الله لا يقدر هو كلامنا ده بيخدر، قدر تتقدر كنت الحيلة المتصدر للناس متصدر، مش كان من الأول، إحنا استغنينا، ما إحنا قولنا أكبرولنا قولنا عيب.
