دمعتي قريبة وكانوا بيتنمروا عليا في المدرسة لأني حساسة.. إجابات مفاجئة لـ إنجي علاء
أجابت الكاتبة ومصممة الأزياء إنجي علاء، على مجموعة من الأسئلة اللايت خلال ندوة تكريمها في القاهرة 24 عن روايتها الأشقر مروان التي احتفلت بتوقيعها مؤخرًا في معرض القاهرة الدولي للكتاب بدورته الـ 55.
وبسؤالها عن آخر مرة بكت فيها، قالت إنجي علاء إنها كانت تتعرض للتنمر في صغرها بسبب حساسيتها الشديدة: عندي مشكلة أن دمعتي قريبة جدًا وضحكتي قريبة، وكل اللي في قلبي على لساني، وآخر مرة عيطت امبارح وبعيط على طول، وكانت مشكلة وأنا صغيرة لأن زملائي كانوا بيتنمروا عليا في المدرسة لأني حساسة زيادة ودي كانت حاجة مضيقاني وكنت بقعد في وسط صحابي وأقول نفسي ابقى زيهم وأكون باردة لأني كنت بعيط على طول بسبب أي موقف، ولو دخلت السينما أطلع منهارة عكس زملائي.
وأضافت إنجي علاء: لما كبرت وبدأت أكتب في الفن ولقيت الناس مبسوطة، فهمت إنها نعمة من ربنا وخصني بيها علشان حاجة وقلت الحمد لله.
وعن الدعوة التي تلح بها في كل صلاة قالت: بقول ربنا ينور بصيرتي يا رب، وبدعي بالستر والصحة.
وختامًا وجهت إنجي علاء رسالة إلى أبنائها قائلة: بقول يا رب أشوفهم ناجحين وكويسين وكل أمنتياتهم متحققة وفي أفضل صحة وحال ويكونوا فخورين بيا وأقدر أكمل المشوار.
