أبرز تصريحات يسرا: والدي جري ورايا بالسكينة لما عرف إني عايزة أمثل.. وكنت سبب في طلاق أمي
حلت الفنانة يسرا ضيفة على أحد البرامج التلفزيونية، وخلال لقائها كشفت العديد من الأسرار حول مشوارها الفني، بالإضافة إلى حديثها عن طفولتها، مؤكدة أنها عانت في حياتها بعد انفصالها عن والدتها.
نستعرض لكم في هذا التقرير أبرز تصريحات يسرا التلفزيونية:-
-اتربيت في وسط أمي وخالاتي وخيلاني وقعدت معاهم لحد سن الـ14.
- أمي كانت بتنزل تبيع أي حاجة عندها عشان تدخلني أغلى مدرسة عشان أتعلم تعليم كويس.
-بعد سن 14 عامًا والدي أخدني من ماما وعشت معاه وأنا معرفوش حد غريب مفيش بينا تفاهم.
-والدي منعني من المدرسة ولما مروحتش درست في البيت، لما نجحت سألني إزاي نجحتي؟.
- والدتي كانت كل حياتي، ولما قعدت سنة ونص مش بشوف حد ومش بكلمها كان صعب عليّا.
- اكتشفت حبي لزوج أمي بعد ما مشيت من عند ماما، لأني عملت مقارنة بين الأب الحقيقي وبين زوج الأم اللي كان أب حقيقي وأكتر.
- لما كان عندي 25 سنة، قابلت زوج أمي صدفة في العجمي جريت عليه، وطلبت منه السماح لأني السبب في طلاقة من أمي.
-لما قلت لوالدي إني عايزة أدخل مجال التمثيل جري ورايا وفي إيده سكينة، وحتى الآن في ظهري ندبة منها.
- حاولت كتير جدًا أكون أم، بس معرفتش أعمل إيه، ربنا مأردش ومبيتعاندش.. ومش ندمانة الحمد الله.
أعمال يسرا
يذكر أن يسرا عُرض لها الفترة الماضية فيلم ليلة العيد، ولكن تم سحبه من دور العرض لتحقيقه إيرادات ضعيفة في شباك التذاكر، ودارت أحداث الفيلم في إطار درامي، ويتناول العمل قضايا المرأة، من خلال معاناة عدة سيدات يعشن على جزيرة ما، وتتعرض السيدات لعدة مشاكل وأزمات بسبب عدم تفهم بعض الرجال لحقوقهن.
أبطال فيلم ليلة العيد
شارك في بطولة فيلم ليلة العيد، مجموعة من الفنانين منهم: يسرا، يسرا اللوزي، ريهام عبد الغفور، عبير صبري، نجلاء بدر، هنادي مهنا، والعمل من تأليف احمد عبد الله، وإخراج سامح عبد العزيز.
