جبتلهم كلب في التصوير.. حسن أبو الروس يكشف مقلبًا فعله في صناع مسلسل حالة خاصة
كشف الفنان حسن أبو الروس موقفًا كوميديا ومقلبا فعله في فريق عمل مسلسل حالة خاصة، الذي انتهى عرضه خلال الفترة الماضية، وهو من بطولة الفنان طه دسوقي.
وقال حسن أبو الروس، خلال ندوته في القاهرة 24: مرة قولت للإنتاج وللمخرج ولكل الناس في مسلسل حالة خاصة، إني مش هاجي بكرة غير ومعايا الكلب بتاعي، ولو مجبتوش مش هاجي، وطبعا جالي مكالمات كتير وبيقولولي إزاي تجيبلنا كلب في التصوير وده يوم تصوير غالي.
واستكمل حسن أبو الروس القصة قائلًا: فقالوا خلاص عشان نخلص نخليه يجيب الكلبة ويقعد على جنب وعشان نعدي اليوم، جيت تاني يوم جيابلهم معايا كلب صغير قد كف الإيد، بعد ما جابوله أكل وعلموا حسابهم في مكان له، ساعتها اتجننوا وقعدوا يضحكوا.
وسبق وتحدث حسن أبو الروس عن التعاون مع الفنان طه دسوقي، في أولى بطولاته المطلقة، في مسلسل حالة خاصة، وقال: طه شاطر جدا، وأصعب حاجة هي الكوميديا وهو قدها وقدر يضحكنا ويبكينا، وأنا مكنتش مصدق نفسي؛ لأنه وقت التمثيل بيبقى واحد تاني وطه عرف يقلد طريقتهم والتوحد بالظبط وتعايش معاهم وقدر يحسسنا بيهم جدًا ومبسوط بالتعاون معاه.
مسلسل حالة خاصة
عرض مسلسل حالة خاصة منذ فترة، وشارك في بطولته كل من الفنان طه دسوقي، حسن أبو الروس، غادة عادل، هاجر السراج، علي السبع، أحمد الأزعر، وغيرهم.
