محمود عامر عن هديته لزوجته في عيد الحب: جبتلها وجع القلب.. وفي الهاني مون مش مبسوطة
كشف الفنان محمود عامر عن الهدية التي أعطاها لزوجته، تزامنًا مع عيد الحب، الذي يوافق اليوم 14 فبراير، مشيرًا إلي أن زوجته ليست سعيدة بما يحدث على مواقع السوشيال ميديا.
محمود عامرعن زوجته: في الهاني مون ومش مبسوطة
وتحدث محمود عامرفي تصريح خاص لـ القاهرة 24 قائلًا: جبتلها وجع القلب من اللي بيحصل، وأحنا في الهاني مون وهي مش مبسوطة خالص، والمفروض عروسة زيها تكون مبسوطة، بس كلام الناس والسف اللي بيحصل ده كتير والكلام ده بيجرحها ويوجعها.
وفي السياق ذاته كان تحدث محمود عامر خلال تصريحات مع موقع القاهرة 24 مؤخرًا، عن منتقدي زواجه، قال: أي اللي يضايق الناس في إني اتجوز، أنا مش قادر أفهم، أنا مخضوض وبحب الناس وبحب أسعد كل الناس، فـ ليه الناس مستكترة عليا أني أسعد بحياتي الخاصة.
وتابع محمود عامر: أن هناك حكمة تقول من حسن خصال المرء تركه ما لا يعنيه، معلقًا: أنت كزميل أو واحد بتابع فنان أي ذنب الفنان أن يسمع كلمة لا تليق أو فيها عدم الاحترام، البيوت مقفولة علي بعضها فأنت كمتابع يا تقول كلمة طيبة وتبارك يا متتكلمش.
ورد محمود عامر على الشباب العشرينات الساخرين من زواجه، قائلا: أنت متعرفش ظروف الناس، هو أنا منعتك أنك تتجوز، أنت كشاب والظروف مش مساعدة، ليه متشتغلش يا أخي طب ما تشتغل على نفسك مفيش حد بيطلع مرة واحدة.
