والدة الشهيد إسلام مشهور باكية: مش قادرة أوصف إحساسي وهو مش معايا يوم عيد الأم (فيديو)
قالت والدة الشهيد إسلام مشهور، إن تكريم الرئيس عبد الفتاح السيسي لها جاء من أخ وإنسان يشعر بآلام أمهات الشهدات.
وأضافت أم الشهيد خلال مداخلة هاتفية مع الإعلامي حمدي رزق، في برنامج «نظرة»، المذاع على قناة «صدى البلد»، قائلة: «مش قادرة أقولك إحساسي ايه وهو مش معايا، لأن اليوم ده كان له شكل تاني معاه، وعيد الأم كان يوافق عيد ميلادي»، متابعة: «أمهات الشهداء قربوا من بعض بفضل استشهاد أبنائهم، وبقينا أسرة واحدة».
وأردفت أم البطل قائلة: «الفراق صعب لكن نعتبرهم شهداء، لأن كلهم رجالة دافعوا عن البلد بحياتهم، ومصر تستحق، وأنا عندي ابن تاني هكون فرحانة لو ربنا أكرمه بالشهادة»، متابعة: «كفاية تكريم الرئيس لي، شعرت إني بتكرم من أخ وإنسان بقلب طيب حاسس بوجعنا، وقولتله مش عايزين دم ولادنا يروح هدر، قالي مش هيروح».
وأكدت أم الشهيد أن المشاريع والإنجازات في الدولة تتم بفضل دم الشهداء، متابعًا: «بلدنا أهم شيء وعايزين نعيش في أمان واستقرار، متحسسوناش إن دم ولادنا راح هدر، ومش هنسيب البلد دي».
