محمد الحلو عن أزمة حفله مع علي الحجار: المايسترو عايزني أغني من طبقة نسائية
علق الفنان محمد الحلو على أزمة مشاركته في حفل عيد الحب مع الفنان علي الحجار، ضمن حفلات مشروع 100 سنة غنا، وذلك في دار الأوبرا المصرية، حيث كان من المقرر مشاركته بالأمس في الحفل.
وقال محمد الحلو خلال مقطع فيديو نشره نجله حماده الحلو عبر حسابه على فيسبوك: المفروض كنت مع حفلة أخويا وحبيبي وصديق عمري أستاذ علي الحجار بس أنا روحت واكتشفت إن الأغنية اللي هغنيها هي أغنية لا مش أنا اللي أبكي للأستاذ محمد عبد الوهاب، فلقيت طبقة غير طبقتي، واطية جدًا طبقة نسائية.
وأضاف محمد الحلو: فلما كلمت المايسترو هشام جبر قالي أنا واخدها من الأستاذ عبد الوهاب، فعرفت إنه مش مظبوط وأنا آسف، أنا مش موجود، وقعدت لحد الساعة 1 بالليل مستني ينقلوا الطبقة يزودوها طبقة “دُون” وقالوا لا مش هنقدر نشتغل تاني.
وأردف الحلو: وأنا مقدرش أشتغل من غير بروفة، وكانوا عايزين يعملوا بروفة بكره أو ميعملوش، مش أنا ده، أنا آسف جدًا، آسف للفنان الكبير المدرسة علي الحجار.
أزمة محمد الحلو في حفل علي الحجار
الجدير بالذكر أن دار الأوبرا المصرية، أشارت خلال بيانها الصادر بالأمس، إلى أنه وقع خلاف بين محمد الحلو والمايسترو هشام جبر قائد أوركسترا أولى حفلات مشروع 100 سنة غنا مع الفنان علي الحجار، مؤكدين أن الأوبرا ليست طرفًا في الخلاف.
