اللي ساتره ربه ميفضحوش عبده.. قصة جروبات واتساب تفضح الشباب تثير غضب السوشيال ميديا
استاء مستخدمو مواقع التواصل الاجتماعي، من إنشاء الجروبات على تطبيق واتساب، بهدف تشويه سمعة بعض الأشخاص بحجة الخيانة، وتلك الجروبات المنتشرة، أثارت جدلا وغضبا واسعا على السوشيال ميديا خلال الفترة الأخيرة، وذلك بسبب تعمد البعض فضح وتشويه سمعة الآخرين.
جروبات واتساب تفضح الشباب تثير غضب السوشيال الميديا
تتخلص فكرة تلك الجروبات المنتشرة المشبوهة، في نشر صور لبعض الشباب في جروبات بها عدد كبير من الفتيات، للتأكد من عدم خيانة ذلك الشخص لشريكته، إلا أن ما ينشر على الجروبات وشهادات بعض الشباب تشير إلى أنه تم إنشاؤها بغرض فضح الشباب وتشويه سمعتهم.
وتواصل القاهرة 24 مع شاب يدعى محمد القاضي، ليحكي عن مواقف حدثت لأصدقائه بسب تلك الجروبات المنتشرة قائلًا: هدف الجروبات ديه، هي فضح الناس، وأنا شوفت صور ناس صحابي نازلة على جروبات، وحقيقي الموضوع زاد وأڤور اوي، وبقوا بيتريقوا على شكل الناس.
وعن الحسابات المزيفة التي ظهرت مع تصدر تريند جروبات الواتساب فقال، في البداية كانت الحسابات اللي بتفضح الناس حقيقية، لكن مع تحول الموضوع لتريند، بدأت الحسابات المزيفة في الظهور للمشاركة في التريند.
ومع تصدر موضوع جروبات الواتساب للتريند، بدأت الجروبات تأخذ منحى آخر، فهناك بعض الأشخاص وجدوا صورتهم في تلك الجروبات، على الرغم من أنهم لا تربطهم صلة بالفتيات التي نشرت صورتهم في الجروب، فقال شخص يدعى بودا: في واحدة منزلة صورتي، وأنا أصلا معرفهاش، هما بيختاروا أي أكونت ولا إيه.
وكان مكتوبا على أحد تلك الجروبات المنتشرة، اللي ساتره ربه ميفضحوش عبده بس احنا بنفضح عادي، نزلي صورة حبيبك، واللي تعرفه تقول، وربنا يقدرنا على فعل الخير، بينما كان مكتوبا على جروب آخر، الستر واجب، وهنا مفيش ستر، افضحوا الناس لوجه الله، كل واحدة تبعت صورة للشخص اللي مرتبطة بيه، والأدمن هينزلها في الجروب، ولو حد عارف الشخص يعمل ليك.
كما وصل الأمر ببعض الأولاد الذين شوهت سمعتهم في تلك الجروبات المشبوهة، إلى نشر صور لبعض الفتيات المشاركات في تلك الجروبات المشبوهة الخاصة بفضح الشباب، كما تبين أن حسابات الأشخاص الذين يشاركون في فضح وتشويه الآخرين، هي حسابات مزيفة، وبهذا يكون هناك احتمال لكون الهدف من تلك الجروبات تشويه سمعة بعض الأشخاص، بدون وجود مبرر لفضح وتشويه هؤلاء الأشخاص.
تعليقات مستخدمي مواقع التواصل الاجتماعي على جروبات تشوه سمعة الشباب
هاجم مستخدمو مواقع التواصل الاجتماعي، موضوع إنشاء جروبات لتشويه سمعة الشباب، فقال مستخدم، أي ولد أو بنت تقبل أو يقبل على نفسه ينزل صورة شريك حياته بالشكل الرخيص دا محتاج يتربى، لو مش واثق أو واثقة فيه يبقى سيبوا بعض.
بينما قال آخر: راعوا شعور الأهل لما تشوف ولادهم ولا بنتهم مفضوحين على السوشيال، راعو الشعور بجد لأنها دي اسمها قله أدب مش شطارة خالص ربنا يهديهم بجد.
وانتقد آخر مسألة دخول الشباب في علاقات محرمة قائلًا: شريك حياته إيه يا بنتي، هو أي واحد مشي مع واحدة بقت شريكة حياته، قصدك أي واحد أو واحدة قبلوا على نفسهم إنهم يدخلون في علاقة محرمة وكمان يجاهروا بالمعصية، دول محتاجين يتربوا ويتعلموا الدين تاني، ربنا يهديكوا جميعا.
وقال آخر: الحوار من الأول حرام أصلا حسبي الله ونعم الوكيل اي وأهالي إيه ده لو حصله حاجه يستاهل ودي لو حصلها حاجه تستاهل هنحرفوا في الدين ولا إيه.
بينما قال آخر: ليه يا بنات ترخصوا نفسكم بالطريقه دي، الغلط على الاتنين شباب أو بنات سؤال بس هو بأي حق البنات عاملة جروب بتنزل فيها صور الولاد وبتشوف إذا بيكلم غيرها ولا لأ والعكس صحيح، مين سمحلكوا بكده، لا دين ولا تربية بيقولوا كده.
