بيفتش شنطتها وتليفونها.. ربة منزل تقيم دعوى طلاق ضد زوجها بسوهاج: شكّاك ومعندوش ثقة فيّا
أقامت ربة منزل تُدعى “تغريد. خ” تبلغ من العمر 32 عامًا، دعوى طلاق ضد زوجها بمحافظة سوهاج، بسبب كثرة شكوكه وعدم ثقته فيها، حسب وصفها.
ربة منزل تقيم دعوى طلاق ضد زوجها بسوهاج
وقالت الزوجة في دعواها: أنا موظفة ومتجوزة من 6 سنوات، وجوزي بيشك في صوابع إديه، لدرجة إني كل ما برجع من الشغل يفضل أكتر من نص ساعة يستجوبني، كلمتي مين واتعاملتي مع مين، حد من زمايلك صبح عليكِ، لحد ما اتخنقت من عيشتي معاه.
الزوجة: شكّاك ومعندوش ثقة فيّا
وأضافت الزوجة لـ القاهرة24: دايمًا عصبي جدًا، ومحول البيت لجحيم بعصبيته وشكه في أي حد مهما كان، ومش بيثق في أي حد لا قريب، وكل يوم يفتحلي محضر روحتي فين وجيتي منين، ويفضل يفتش شنطة الخروج بتاعتي، ويدور في الموبايل بطريقة غريبة كأني بخونه أو بعمل حاجة من وراه.
وأكدت الزوجة أنها نصحته كثيرًا وطلبت منه تغيير معاملته وأسلوبه معها، إلا أنه لم يتغير، وعندما طلبت منه الطلاق رفض بشدة، ما دفعها إلى ترك منزل الزوجية والإقامة في منزل أسرتها ورفع دعوى طلاق للضرر الواقع عليها منه، وعدم استطاعتها على إكمال حياتها معه.
