فيفي عبده في أبرز تصريحاتها التليفزيونية: عملت 37 عمرة وحجيت 5 مرات ولو اتجوزت 100 مرة إيه المشكلة؟
كشفت الفنانة فيفي عبده، أسرارًا كثيرة حول حياتها الشخصية، بجانب ردها على منتقدي مهنة الرقص وأمور أخرى حول جوازها.
ونستعرض لكم في السطور التالية أبرز تصريحاتها التليفزيونية:
-عملت 37 عمرة وحجيت 5 مرات ومطمئنة جدا وحاسة إني هقابل ربنا وأنا مستريحة.
-أنا محجبة طول الوقت في أخلاقي وتصرفاتي ومش منفلته.
- الرقص حرام ليه؟ هو مش شغل زي أي شغل، هو الباليه حرام؟ الرقص لي احترامه وناسه.
-أنا ماشية بما يرضي الله مظلمتش حد وبالعكس بساعد الغلبان وإنسانة واضحة ومبعملش حاجة غلط.
-ابنتي التالتة بالتبني موجودة في المدرسة وبتذاكر ودي حاجات خاصة ورزق ربنا بعتهولي مبحبش اتكلم فيه.
-هي لو جاتلي الهداية هولها لأ؟ متهدنيش كخه.
-الفراق حاجة الفراق في حياتي وبحس أن الحياة وقفت.
-لو أتجوزت 100 مرة إيه مشكلة في كده والست ربنا قالها تطلق وتجوز عادي.
-بقول لبعض الناس الفنانين عندهم حاجات كتير حلوة أنتم مبتقدروهاش لكن ربنا بيقدرها.
أعمال فيفي عبده
يذكر أن فيفي عبده شاركت في الماراثون الرمضاني لعام 2022، من خلال مسلسل شغل في العالي، بالتعاون مع الفنانة شيرين رضا، ودارت أحداث العمل حول جليلة وشروت امرأتان مختلفتان يجمعها حظهما العثر وزيجاتهما الفاشلة فتصيران صديقتين، وتلجأن لتكوين عصابة ﻷخذ ثأرهما من الرجال، لكن الأيام تحمل لهما مفاجأة تختبر بها صداقتهما.
شارك في بطولة مسلسل شغل في العالي، مجموعة من الفنانين منهم: فيفي عبده، شيرين رضا، محمد رضوان، فريد النقراشي، والعمل من تأليف حسين مصطفى محرم، وإخراج مرقس عادل.
