إسعاد يونس: صناعة السينما في أمريكا مهزوزة حاليا.. ودي فرصتنا نحتل مكانة كويسة
علقت الفنانة إسعاد يونس، على قرارات المستشار تركي آل الشيخ، بشأن الأفلام المقرر إنتاجها من صندوق Big Time، وضخ أكثر من 4 مليارات جنيه للصندوق، والتي يعكف صُنَاعها على تحضيراتها خلال الفترة الحالية.
وقالت إسعاد يونس على هذا الأمر، كونها أحد صناع السينما المصرية، خلال حوارها على هامش حضورها حفل الليلة السعودية المصرية حاليًا: شيء رائع لأن صناعة السينما ما هي إلا مال وبعدين فن، لو مفيش مال مش هيبقى فيه فن.
وواصلت إسعاد يونس: الحمد لله ده شغل ناس بتفكر مظبوط جدا، ودي مرحلة جديدة ورائعة للفن المصري وصناعة السينما في مصر بقالها فوق الـ 100 سنة، واحنا عندنا خبرة وكان متوقع إن الصناعة دي تحتل مكانة في العالم زي الصناعات الأخرى.
إسعاد يونس: الصناعة في أمريكا مهزوزة حاليا
وأضافت إسعاد يونس: الفيلم المصري بيخاطب الناس واللغة والثقافة بتجمع الناس، وده فكر سليم جدا والصناعة في أمريكا مهزوزة شوية دلوقتي فـ إحنا عندنا فرصة إننا نحتل مكانة كويسة ونبقى مع المملكة العربية السعودية وتركي آل الشيخ، لأن فكره متطور وكان محتاج ضخ الأموال دي عشان الماسألة تتظبط.
وسبق وكشف المستشار تركي آل الشيخ، تفاصيل الأفلام المقرر إنتاجها من صندوق Big Time، حيث قال خلال مؤتمر صحفي سابق: في 5 سنوات ونصف سنطلق Big Time 2 مع الأخ أحمد بدوي، وإذا كان طريقنا سلس وممتاز والأفلام العربية والسعودية سنطلق Big Time 3، ولن نقف هنا وسنصل لأبعد مكان.
