حمدي بتشان: أغنية كله بوء مفيهاش إسفاف وبقولها للكذابين.. وبتهاجم من وقت الأساتوك
رد الفنان حمدي بتشان، على منتقدي اسم أغنيته الجديدة كله بوء، الذي طرحها خلال الساعات الماضية على موقع يوتيوب، بجانب الكشف عن أعماله المقبلة.
وأكد حمدي بتشان في تصريح لـ القاهرة 24، أن أغنية كله بوء يوجهها لكل الكذابين في حياتنا، مشيرًا إلى أن اسم الأغنية فكرتها كانت اختيار نجله محمد.
وأوضح بتشان: الناس اللى بتقول الأغنية فيها إسفاف، طب إزاي بتسمعوا ناس بتقول هعورك وهنخش السجن عادي في أغاني المهرجانات اللي استحالة أشتغل معاهم، وأنا بتهاجم على طول من وقت اسم أغنية الأساتوك.
وأردف بتشان: الأغنية استغرقت ما بين أسبوعين لثلاثة أسابيع في التحضيرات، لافتًا إلى أن الأغنية كله بوء هي جملة على لسان كل الناس، وحبيت أتكلم بلغة قريبة من الجمهور.
وحول سبب اختفائه بين فترة والآخرة، رد حمدي بتشان: أنا موجود ومختفتش وبحضر أغاني جديدة كتيرة الفترة الجاية هتكون بره الصندوق وبعيدة النماطية.
كلمات أغنية كله بوء
وتقول كلمات الأغنية:
سد ودنك بعد إذنك مهما قالوا وعشموك
وإوعي في حبال المودة بالأونطة يعلقوك
هيعملولك البحر طحينة وهيقولولك إنت ف عنينا
ويوم ما تغرق السفينة هينطوا منها وهيسيبوك
مش مهم اللي بيتقالك المهم اللى إتعملك
قولي مين بس في همومك، لما إتربطت جه وحلك؟
الكلام حلو وجميل
بس فعل الناس قليل
واللي قولنا عليه رجوله
مطلعش في الأزمات أصيل
