عمرو أديب: الناس اللي هاجمت وزير التموين هو ماله؟.. إديله فلوس وهو يوفر السلع
علق الإعلامي عمرو أديب على هجوم البعض على وزير التموين الدكتور علي المصيلحي، بعد جولته أمس في معرض أهلا رمضان، قائلا: الناس اللي هاجمت وزير التموين هو ماله؟.. إديله فلوس وهو يوفر السلع.. إيه التقصير اللي عمله الوزير.
عمرو أديب يعلق على انتقاد الناس لـ وزير التموين
كما أضاف عمرو أديب خلال تقديم برنامج الحكاية: الناس بتعترض على الوزير إنه مفيش زيت أو سكر، لو موجود هيوفر للمواطنين.. لكن هو معندوش احتياطي لسد الأزمة.
وتابع أديب: هناك أزمة اقتصادية تمر بها البلاد، منها تراجع عائدات السياحة، كذلك دخل المصريين بالخارج.
عمرو أديب يعلق على انقطاع الكهرباء في رمضان
كما أشار أديب إلى موعد انقطاع التيار الكهربائي خلال شهر رمضان، مردفا: فيه سؤال صعب عاوز اسأله.. هو حضراتكم عايزين النور يقطع قبل الفطار ولا بعد الفطار؟ عايزين الحكومة تقولنا من دلوقتي إيه المواعيد في رمضان.
واقترح عمرو أديب إجراء حوار مجتمعي بشأن موعد انقطاع الكهرباء خلال شهر رمضان، قائلا: اعمل حوار مجتمعي بشأن موعد قطع الكهرباء.. لأن في آراء مختلفة.. فيه ناس عايزة قبل الفطار وناس بعد الفطار.. بلاش شغل المفاجآت.
