المحامي حمدي خليفة: 1.5 مليار جنيه دخل النقابة السنوي من الأتعاب.. وهخلي المعاشات بين 15 و20 ألف جنيه
تحدث حمدي خليفة المحامي بالنقض ونقيب المحامين السابق والمرشح على مقعد نقيب المحاميين، عن ملف معاشات المحامين وخطته لزيادة المعاشات في برنامجه الانتخابي لمقعد نقيب المحامين.
وقال حمدي خليفة، في حواره مع الإعلامي هيثم بسام، في برنامجه ورقة في ملف، المذاع عبر شاشة قناة النهار: بالنسبة لـ ملف المعاشات علشان أحل مسألة المعاشات بشكل جذري، أنا حسبتها لقيت إني ببيع دمغة بـ 30 مليون جنيه سنويًا، وكل دمغة بيقابلها 50 جنيه أتعاب محاماة، إذن عندي مليار ونص جنيه دخل سنوي من أتعاب المحاماة، هعدل مشروع قانون المحاماة وهخلي أتعاب المحاماة من المنبع مباشرة.
وتابع: بالتالي أنا ضمنت إني باخد أتعاب المحاماة أول بأول مش عن طريق وزارة العدل أو المحاكم، يبقى بالتالي ده مبلغ متوفر سنويًا هقدر أوظف جزء كبير منه لزيادة المعاشات، بالإضافة إلى الفلوس اللي هوفرها بالنسبة لمسألة العلاج هوظف المبلغ ده لزيادة المعاشات.
وأضاف: أما بالنسبة للمعاشات وضعت مبدأ مهم جدًا، من المفترض بدي المحامي المشتغل كارنيه، لو هو مش مشتغل مش هدي له كارنيه، يبقى المعاشات بالكارنيه مش هرهقه وأطلب منه أدلة اشتغال وأرهق ورثته في حالة وفاته لاقدر الله، لذلك وضع في الاعتبار أن المعاش بالكارنيه، وبإذن الله بالحسبة اللي أنا حاسبها هيبقى المعاش مش أقل من 15 و20 ألف جنيه شهريًا، مش 3 و4 آلاف جنيه اللي بنسمعه، الكلام ده لا يتوافق مع الزمن اللي إحنا فيه.
برنامج ورقة في ملف
الجدير بالذكر أن الإعلامي هيثم بسّام يقدم برنامج ورقة في ملف عبر شاشة قناة النهار، ويذاع البرنامج يوم الخميس من كل أسبوع في تمام الساعة الرابعة عصرًا.
