بدرية طلبة: لازم الناس ما تشوفش عادل إمام وهو كبير علشان يفضل في نظرنا الزعيم والأستاذ
تحدثت الفنانة بدرية طلبة عن بدايتها، مشيرة إلى أنها تعاونت مع كبار النجوم مثل سمير غانم ومحمد نجم وسعيد صالح ويونس شلبي، إلى جانب حديثها عن الفنان عادل إمام.
وقالت بدرية طلبة في لقاء تليفزيوني: اشتغلت مع عمالقة، زي سمير غانم ومحمد نجم وسعيد صالح ويونس شلبي، ربنا يرحمهم، واتعلمت من كل واحد شوية، زي ما بتدخل جنينة وبتاخد وردة من كل نوع، وتعمل في النهاية بوكيه حلو، وكل واحد له مدرسة.
وتحدثت بدرية طلبة عن سمير غانم بالأخص قائلة: لما يطلع على المسرح بتروح معاه في حتت كتير، حد جميل وبيلعب ويرجع فاهم بيعمل إيه ويمتع الناس إزاي.
أنا زي الطفلة في شغلي وحياتي
وأشارت إلى أن الكيمياء بينها وبين أي شخص تقف أمامه تأتي من حب الشخص لها، قائلة: راجع للنجم روحه حلوة ولا لأ، وكميتنا حلوة ولا لأ، لو حاببني ووصلي الإحساس ده هقدم أحلى ما عندي، لأن أنا زي الطفلة في شغلي وفي حياتي اللي يطبطب عليا ويقول لي كلمة حلوة بياخد روحي كلها.
بحترم أولاد عادل إمام لأنهم محافظين عليه
وقالت بدرية طلبة عن الزعيم عادل إمام: حقه يرتاح وحق ولاده يحافظوا عليه، وبحترمهم جدًا لأن هما محافظين عليه في الوقت اللي لازم الناس ما تشوفهوش فيه، لأن إحنا وقفنا عند الأستاذ والزعيم، لازم يفضل في نظرنا في الصورة دي.
كما تحدثت عن محمد إمام قائلة: كل اللي أقدر أقوله إنه متربي والتربية بتشمل كل حاجة في حياته.
