ضربوه وخطفوه.. تفاصيل تحقيقات استدراج وخطف طالب داخل سنتر تعليمي |خاص
حصل القاهرة 24 على نص التحقيقات في القضية التي حملت رقم 23953 لسنة 2023 في واقعة خطف واستدراج طالب وإجباره على توقيع إيصالات أمانة واحتجازه داخل سنتر تعليمي بالبدرشين.
استدراج وخطف طالب
واستمعت جهات التحقيق لأحد الشهود وجاءت على النحو التالي: اللي حصل وأنا ماشي مع خالد رايحين درس الفرنساوي، لقيت واحد نادى عليه واحنا ماشيين داخلين الدرس وقاله خد يا خالد، وبعدين قاله إنت اسمك خالد قاله أيوه، راح قاله إنت بتاخد من أخويا الخمسة وعشرين جنيه ليه؟ فخالد قاله محصلش، ولقينا واحد تاني جه فراح الراجل الأول الى نده ميل على خالد وقاله حاجة في ودانه، فراح خالد مشي معاه
وأضاف: رحت مشيت وراهم وسالتهم إنتم مين؟ فالأول اللي نادى على خالد قاله أنا اسمي عزت ع، والثاني قال إن اسمه باسم ع، ولما وصلنا عند سنتر إكرامي راحوا دخلوا خالد للسنتر وزقوه جوه السنتر وبعدين قالولي اطلع إنت بره الموضوع عشان ملكش دخل فيه، ورحت أنا مشيت وبلغت أبو خالد وعرفته اللى حصل، وده كل اللي أعرفه عن الموضوع ده.
من جانبها، قضت محكمة جنايات الجيزة، بمعاقبة المتهمين بالسجن عامين لاستدراجهما وخطف طالب وتقييده بالحبال داخل سنتر تعليمي، وإجباره على توقيع إيصالات أمانة وبراءة المتهمة الأخيرة.
