فلسطينية بعمر الـ 80: أنا أكبر من دولة الاحتلال.. ما بسيب داري وهندفن في غزة
إسرائيل دولة احتلال أعلن قيامها عام 1948، أي منذ حوالي 76 عاما، تحاول الآن إبادة الشعب الفلسطيني صاحب الأرض، الذي تجاوز أعمار بعض أفراده عمر دولة الاحتلال إسرائيل.
سيدة فلسطينية أكبر من إسرائيل
السيدة الفلسطينية انتصار أبو دقة صاحبة الـ 80 عاما كشفت لـ القاهرة 24، الاضطهاد الذي تعرض الفلسطينيون خلال السنوات الماضية منذ بدء الاحتلال، موضحة: كنت بيافا عام 48، طلعونا منها على غزة ولحقونا الآن بغزة، دمروا بيوتنا بقت رمل، ولاد عمي وولاد خالي دمروهم، طردونا من غزة لخان يونس من خان يونس لرفح.
وتابعت السيدة انتصار: الأطفال بالعشرات جعانين مش لاقيين أكل ولا كيرة خبز، من وين جونا ها اليهود؟، حضرت 6 حروب من وقت ما سيبنا يافا، أول حرب شردنا على رفح، وبعدين رجعنا على بلادنا كانوا هادين كل البيوت، وكل 6 شهور يجوا يهدوا البيوت ويموتوا الشباب.
وأضافت: خلو بيوتنا بلاط دمروها بالطيارات ودمروا عائلتي، وين بدنا نروح أرضنا هاذي نشرد من أرضنا كيف؟، حتى امبارح بقول والله ما طالعة من غزة، من يوم ما انخلقنا أحنا في حروب ايش ذنبنا احنا…ايش بدنا نعمل؟.
وأوضحت: والله لاندفن في غزة، ما بسيب داري بس هما ما خلوش دار، والله لو في خيمة بنصبها وبقعد فيها حتى الموت، أجيب خيمة مطرح بيتي اللي اتمسح وراح، ماعناش أي حاجة نحارب بيها وهيك بيعملوا فينا ويقتلونا، احنا ناس عاديين ومسالمين وقاعدين في دورنا ومستورين.
